Êrîşê îşgalkerîye êy verva Vaşûrê Kurdistanî bi hemkarî û hetkarîya PDK dewam kenê.
Sîyasetmedarê Kurdî Makî Ravendî hemkarîya PDK û MÎT’î sero qisey kerd.
Makî Revendî vat; 30 serrîy o êrîşê dewleta tirke êy verva Vaşûrî dewam kenê û wina dewam kerd.
Şer tenê bi top û tanqan nîno ramitene.
Di heman wextî de verva Vaşûrî bi awayêko pergalî şerrê aborî û derûnî zî est o.
Dewleta tirke bi zaneyî û polîtîkayanê plankerdeyan ney şerrî domnena.
Û seba nêy polîtîkayan zî PDK heme berranê herema Kurdistanî dewleta tirke rê akerdê.
Makî Ravendî qewemîyayişê 5’ê Hezîrane vistîy vîrî û nêy ardîy ziwan;
Verîya qewemîyayişê bi 2 hefteyan tay kesanê mîyanê PDK ra tay agahîy bi min reyde barre kerdîy.
wesayita teqandî û pêşmergeyên birîndar……
Bi goreyê êy agahîya do 10-15 pêşmergey bi destê PDK û MÎT’î biameyêne kiştene û zê verpersîyarî zî PKK biamebêne nîşandayene.
Bi na plane waştê ke maberê PKK û PDK de şerr bidê destpêkerdene.
La herkes zaneno ke no êrîş hetê PKK’yî ra nîyameyo kerdene.
Makî Ravendî bale ante plana îşgalkerîye ser û nêy vatîy.
Reyna mîyanê PDK ra agahîyêke ameya ke do na dore sivîlan bikerê hedef.
MÎT û hêzêy PDK do sivîlan bikerê hedef û komkiştişêke pêk bîyarê û naye bikerê milê PKK yî.
Na plana înan ya newîye ya.
Metîna de pêşmergey kiştîy û do na dore zî sivîlan qetil bikerê.
Na plane perçeyêke propogandaya sûcdarkerdişê PKK yî ya.
Gere şaro Kurd heşîyar bo û nêy raştîyanê PDK bivîno.
