LI EFRÎNÊ TERORA DEWLETA TIRK
DEWLETA TIRK 11 SIVÎLÊN DIN REVANDIN
Dewleta Tirk a dagirker her roj li Efrînê sivîlan direvîne.
Hat ragihandin ku herî dawî 11 sivîlên din hatin revandin.
Aqubeta van kesên revandî heta niha nayê zanîn.
Dewleta Tirk li Efrînê welatiyê Fewzî Neşet Hesen ji gundê Gewrika Jorîn ê navçeya Mabata revandin û nayê zanîn birine ku derê.
Di 8’ê Tebaxê de jî dewleta Tirk û çeteyên wê gelek şêniyên ji gundê Çolaqa yê navçeya Cindirêsê revandin.
Navên kesên ku hatine revandin wiha ne:
Hisên Abdurehman Osman ê 68 salî, Izet Mihemed Osman ê 58 salî, Xelîl Izet Osman ê 23 salî, Mistefa Elûş ê 46 salî, Osman Mihemed Reşo ê 65salî û jina bi navê Ferîde Ebdo a 35salî.
Aqubeta van kesên revandî heta niha nayê zanîn.
Herwiha di 18’ê Tebaxê de 2 şênîyên din ji gundê Çolaqa hatin revandin.
Navên wan wiha ne: Mihemed Nûrî Şêxo ê 50 salî û Abdurehman Nûrî Şêxo ê 45 salî.
Derheqê aqubeta wan de jî ti agahî tine ne.
Derbarê Rocan Hisên ê 28 salî ji gundê Çolaqa ku beriya mehekê ve hatiye revandin jî ti agahî nehatin girtin.