AGIRÎ – Polîsan vê sibehê bi ser avahiya rêxistina HDP’ê ya navçeya Bazîdê de girtin. Hevserokên rêxistina navçeyê Abdullah Ekelîk û Gonul Ozturk hatin binçavkirin.
Li navçeya Bazîdê ya Agiriyê polîsan vê sibehê hemwext bi ser avahiya Rêxistina HDP’ê ya Navçeya Bazîdê û malên hevserokan de girtin. Polîsan li mala Hevserokên Rêxistina Navçeyê Abdullah Ekelîk û Gonul Ozturk ve girtin û lêgerîn pêk anîn û dû re wan binçav kirin. Polîsan cadeya avahiya HDP’ê ku li serê ye ji çûnûhatê re girt û lêgerîna li avahiyê didome.
Hat zanîn ku hevserokan bi îdiaya “endamên rêxistinê ne” û “propaganda rêxistinê kirine” binçav kirine û wan birine Miduriyeta Polîsan a Navçeyê.
