Kurdistanij û dostîy xeylê bajaranê Ewropa de verva îşgalkerîya dewleta tirke meydanan de bîy.
Paytextê Elmanîya Berlîn de êrîşê îşgalkerîye yê dewleta tirke êy verva Avaşîn, Zapî û Metîna ame perotestokerdene.
Temsîlkarê xeylê sazî û rayvistinanê Elmanîya zî tewrê çalakîye bîy û paştîye da Kurdistanijan.
Bajarê Hambûrgî de zî bi verkêşîya Têgêrayişê Ciwanêy Şoreşgeran Çalakîye amî rodarvistene.
Bi heman mexsedî bajarê Leipzige de zî çalakîya perotestokerdişê êrîşan este bî.
Kurdistanijan vengdanê tewerbîyişê çalakîyan û berzkerdişê xoverdêrîya verva îşgalkerîye kerd.
Herema Drancy ya Paytextê Fransa Parîsî de zî xoverdêrîya Gêrllayanê HPG û YJA Stare ya verva îşgalkerîye amî silamkerdene.
Di çalakîye de veng ro welatanê Ewropa ame kerdiş ke nêbê şirîkê sûcanê îşgalkerîye êy dewleta tirke.
Bajarê Lîmassolî yê Qibrisî de zî Kurdîy meydanan de bîy.
Êrîşê îşgalkerîye yê verva Heremanê Pawiteyan êy Medya paytextê Fînlandîya Helsînkî de zî hetê Kurdistanijan ra amey şermezarkerdene.
