Êrîşê îşgalkerîye ey dewleta tirke ya verva Herêmanê Pawiteyan ey Medya û Rojava, bajarê Mannhaim ya Elmanya de bi meşêk ame şermezarkerdene.
Şar seba wayîrvecîyayîşî ro xoverderîya gerîllayan veng da.
Bajarê Saarbruckenî de zî Kurdistanijîy ameye têhet.
Di qiseykerdişan de ame dîyarkerdene, tecrîdkerdişê Rayver Apo û êrîşanê vevra qadê gerîlla konseptêke taybet o.
Reyna veng ro dewletanê Yewîtîya Ewropa ame kerdene ke, wa êrîşanê dewleta tirke bidê vindarnayîş.
Bi heman mexsed, bajarê Hannover de zî meşêk ame rodarvistene.
Meş vernîya konsolosxaneya tirke de dest pê kerd û heta Halîm Dener Platze dewam kerd.
Îtîya zî bajarê Wînsen-Ruhe yo.
Êrîşanê verva qadanê gerîlla û qerarê Emrîka ya verva 3 şoreşgeranê PKK’yî ame protestokerdene.
Di meşe û mitînge de bi ziwanê elmanî û kurdî eşkerayîy amey dayene.
Paytexta Fransa Parîsî de zî, êrîşê îşgalkerîye tirke ya verva Vaşûr û Rojavayê Kurdistan û tecrîdkerdişê Rayver Apoyî ame şermezarkerdene.
Bajarê Vîyana ya Awusturya de zî şaro kurd bi heman mexsedî meş rodarvistîy.
Kurdistanijanê bajarê Lîmassol ya Qibrisî zî êrîşê dewleta tirke ya verva herêmanê Avşîn, Zap û Metîna şermezar kerd.
Sîyasetmedaro Kurd Lezgîn Serhed di çalakîye de qisey kerd û dîyar kerd ke, verva êrîşan gere şaro kurd û hêzanê şoreşger yew bibê.
Bajarê Helsînborg ya Swêd de verva tecrîdî, peyamê xurtkerdişê tekoşîne ame dayene.
Naca zî paytexta Norwêç, Oslo ya.
Kurdistanijan êrîşanê dewleta tirke ya verva Kurdistanî û zextanê rejîma Îran ya verva kurdan, şermezar kerdîy.
Aktîvîstanê rayvistinanê Norwêcî Antî û Rasîst û Solîdarîtet med Kurdistan zî paştîye day çalakîye.
