Paytextê Almanîya Berlîn de Kurdistanij û dostan êrîşê dewleta tirke êy verva Heremanê Pawiteyan êy Medya, bi meşêke şermezar kerd.
Meş bi verkêşîya Têgêrayişê Ciwanê Şoreşgeran, TekoJin û enternasyonalîstan ame organîzekerdene.
Di meşî de xoverdêrîya gêrîllayan amî silamkerdene.
Bi heman mexsedî Paytedxtê Danîmarka Kopanhag, verê awanîya Neteweyê Yewbîyeyan de zî çalakîya perotestokerdişî este bî.
Çalakîye bi verkêşîya Meclîsa Cînîyan ya Sêve amî rodarvistene.
Cînîyan derheqê êrîşanê dewleta tirke de dosîyayêke da rayedaranê Netewê Yewbîyeyan.
Di dosîyaye de ame vatiş bê erêkerdişê Emrîka û NATO, dewleta tirke nêşikena nêy êrîşan bikero.
Êrîşê dewleta tirke êy verva Heremanê Pawiteyan êy Medya bajarê Frankfurtî yê Elmanîya de zî amey protestokerdene.
Kurdistanij û dostîy meydanê Haûpwache de amey pêhete û mîtîngêke ro dar vist.
Di qiseykedişan de ame vatiş; Êrîşîy bi erêkerdişê hêzanê mîyanetewîyan seba çinêkerdişê destkewteyê Kurdan ameyê destpêkerdene.
Bi heman mexsedî bajarê Saarbruckenî û Mannheîmî de zî bi verkêşîya Navenda Civatê Demokratîkî çalakîye amî rodarvistene.
Di qiseykerdişan de xoverdêrîya Gêrîllayanê azadîye ya verva îşgalkerîye amî silamkerdene.
Di çalakîye de Endamê Konseya Fermandarîya HPG Sînan Dersim û ame bivîrardene.
Di qiseykerdişan de vengdanê berzkerdişê tekoşîne ro şarê kurdî û dostan ame kerdene.
