KOMÎTEYA RÊVEBER A PKK’Ê:
EM Ê LI SER XETA ŞEHÎDAN TÊKOŞÎNA AZADIYÊ BI XURTÎ BIDOMÎNIN
Komîteya Rêveber a PKK’ê, bi wesîleya salvegera şehadeta Zeynep Kinaci bi nasnav Zîlan ku 30’ê Hezîrana 1996’an li Dersimê çalakiya fedayî li dar xist û salvegera şehadeta endamê Konseya Serokatiya Giştî ya KCK’ê Diyar Xerîb daxuyaniyek weşand.
PKK’ê bi berfirehî li ser kesayet û têkoşîna şehîdan nirxandin kirin:
Ji bo Şehîd Zîlan wiha hat gotin:
Hevrê Zîlan berî 25 salan li Dersimê bi çalakiya xwe derba herî dîrokî li sîstema faşîst-qirker xist û bû sembola têkneçûn û afirîneriya taktîkê ya gerîla.
Gerîlatiya jinê ya li ser xeta fedayî û pêşengiya jinê ya li têkoşîna azadiyê xurt kir.
Xeta azadiya jinê û şoreşa jinê ya azad afirand û xet li Kurdistanê û li cîhanê belav bû.
Afirîneriya rastî ya jinên azadbûyî ya li ser xeta serketinê ya Apoyî nîşanî her kesî da.
KOMÎTEYA RÊVEBER A PKK’Ê:
EM LI SER XETA FEDAYÎTIYÊ YA ZÎLAN ŞER DIKIN Û BI SER DIKEVIN
PKK’ê îşaret bi berxwedana îro li dijî dagirkeriya tirk tê bi pêşxistin kir û wiha hat gotin:
Bi navê gel û tevgerê, çarîkek sedsal e ku em li ser xeta fedayîtiyê ya Zîlan şer dikin.
Ya ku êrişên di asta komploya navnetewî de hêzên mêtinger-qirker pûç kir, ev xeta fedayîtiyê ye.
Di serî de li Metîna, Zap û Avaşînê, li Heftanîn û Xakurkê, li tevahiya Kurdistanê û metropolên Tirkiyê li her qadê ev şer li ser vê xetê tê meşandin.
KOMÎTEYA RÊVEBER A PKK’Ê:
RASTIYA HEVRÊ HELMET MAF, EDALET Û HEQÎQETÊ TEMSÎL DIKE
PKK’ê têkildarî duyemîn salvegera şehadeta endamê Komîteya Navendî ya PKK’ê û Konseya Serokatiya Giştî ya KCK’ê Diyar Xerîb bi nasnav Helmet jî ev nirxandin kirin:
Rastiya hevrê Helmet bi rastî jî ronakbîriyeke mezin e; ew maf, edalet û heqîqetê temsîl dike.
Ev rastî welatparêziya Kurd, demokratbûn û şoreşgeriya rasteqîn, têkoşîna li dijî dewleta Tirk a mêtinger-qirker û helwesta li dijî êrişên dagirkeriyê yên faşîzma AKP-MHP’ê nîşanî me dide.
PKK’ê li ser sekna şehîd Helmet a li dijî dagirkeriya tirk bang li aliyên siyasî yên Başûr jî kir:
Di serî de PDK em bang li rêxistinan hemûyan dikin ku li dijî dagirkeriyê, helwesta xwe ji bo yekîtiya netewî û têkoşîna azadiyê deynin.
Bi navê tevgera PKK’ê û gelê Kurd em her tim alîgirên yekîtiya demokratîk-netewî ya gelê kurd û çareseriya demokratîk a biratiya gelan in.
Em bang li hêzên siyasî hemûyan dikin ku vê rastiyê bibînin û bi hurmet tevbigerin.
Di vê çarçovê de em bang li jin û ciwanan dikin ku li dora pêngavên serketinê yên gerîla bicivin.
Bi pêngava “Dem Dema Azadiyê ye” em Rêber Apo azad bikin.