Komîsyona Cînîyan ya Kongreya Netewî ya Kurdistanî KNK, sekreter Pêroyî yê NATO, Jens Stoltenbergî rê nameyêke şirawite.
Nameya KNK wina ya.
Dewleta tirke di roca Qirxûnê Ermenan de, verva Vaşûrê Kurdistanî êrîşê îşgalkerîye da destpêkerdene.
No êrîş, seba Şarê Kurdî peyamêka bimehneya û wazenê vacê ma do kurdan zî qir bikerê.
Dewleta tirke 70 serrîy o endama NATO ya.
NATO rayvistina tewir pîle ya cîhanî ya û di hêmanê binkeyîna êy awanbîyişê NATO de, bi rayiranê aştîye çareserkerişê persgirayan est o,
La NATO verva êrîşanê îşgalkerîye êy tirkîya bêveng a.
Tirkîya tenê bi îşgal nêmanena û di cayanêy ke îşgal kena de zî demografîya vûrnena û qirkerdişê cînîyan pêk ana.
Di serre de Efrîn, Gir Sipî û Serêkanîye, Vakûr û Rocehlatê Sûrîya de remnayiş, qetilkerdiş, tecawiz û vûrnayişê demografîya,bîyê karêy roceyînî.
Na rewşe, di raporê Neteweyê Yewbîyeyan yê serra 2020’ine de zî bi awayêko zelal ameya destnîşankerdene.
Nêy polîtîkayê îşgalî, duştê esasanê binkeyînan êy NATO yê û îxlalkeridişê nêy esasan o.
Di na çarçova de, ma zê Cînîyanê Kurdan veng ro NATO kenê ke, ro endama xo ya 70 serran dewleta tirke wayir bivecîyê û vernîye ro kerdeneyanê aye êy tebermerdimayîyan, bigerê.
