KOMA PARLEMENA BRÎTANYAYÊ APPG:
DIVÊ HIKÛMETA BRÎTANÎ PKK’Ê JI LÎSTEYA TERORÊ DERXE
Koma Parlementoyê ya Hemû Partiyan a Parlemena Brîtanyayê APPG ku komeke enformel e beriya bi demekê raporeke balkêş weşand.
Di raporê de ji hikûmeta brîtanî xwest; têkiliyên xwe yên bi dewleta Tirk re di ber çavan re derbas bike û PKK’ê ji lîsteya terorê derxe.
Kom bi bîr dixe ku bi zextên dewleta Tirk PKK bi sûcbariyên neheqe ketiye lîsteya terorê.
Koma APPG’ê xwestiye hikûmeta Qraliyeta Yekgirtî li paşeroja gelê kurd û gelên din ên li Tirkiyê bifikire û vê tespîtê dike:
Li dijî civaka Kurd a li Tirkiyê û rêxistingeriya siyaseta demokratîk zexta dewletê, êriş, komkujî û cezakirina bi komî heye.
Di raporê de tê bibîrxistin ku dewleta Tirk li Rojava û Başûrê Kurdistanê êrişî kurdan dike û ev êriş li ser civakên li herêmê û temamiya Rojhilata Navîn tesîreke nebaş dike.
Kom dixwaze hikûmet ji bo zêdetir binpêkirinên mafan pêk neyên zextê li dewleta Tirk bike û destekê bide rêxistinên siyasî yên Kurdan.
Di raporê de rol û rista Rêber Apo ya di pêvajoya çareseriyê de, berxwedana xwerêveberiyê ya li Bakur û polîtîkayên qeyûmtiyê jî weke serenavên cuda cih digrin.
Kom her wiha di raporê de balê dikşîne ser zextên li ser HDP’ê û doza ji bo girtina wê hatiye vekirin.