Rixmê heme zext û zordarîye PDK, Koma Aştîye resay Vaşûrê Kurdistanî.
Koma Aştîye waşt verê Temsîlkarîya Netewanê Yewbîyaye ya Hewlêre de eşkerayîyeke bidê.
Û 3 kesîy do bi Rayedaranê Netewanê Yewbîyaye reyde pêdêyîş bikerdayene.
La hêzê PDK destûrê naye nêda û nêverday ke endamanê kome, otela ke manenê de ra bivecîye.
Naye sero, endamanê kome verê otele de eşkerayî day.
Eşkerayî bi soranî û îngîlîzî amey dayene.
Eşkerayîye de”Însîyatîfê Kurdsitane Bipawê” ya verva îşgalkerîye tirke amî eskera kerdene.
Hemeye dinya rê ame vatene ke, berê na kampanye heme kesî rê akere ya û vengdanê berzkerdişê kampanya ame kerdene.
Endamanê heyete vatîy, ey wazenê bi çimderî û raporanê ke ey do hedre bikerê, îşgalkerîye tirke biresnê qada mîyannetewî û sûcê şerr ey tirkîye bikerê rojdema dinayeye.
Waştekê Însîyatîfe zî wina amey rêzkerdene:
Gere dewleta tirke vurnayîşê demografîye, bêaramîkerdiş û qirkerdişê etnîkî ya Vaşûrê Kurdistanî bêrê vindarnayene.
Gere vernîye to xozaya Kurdistanî bêro girotene.
Hêzê heremî û mîyannetewî gere peynî ro hemkarîya qirkerdişê Kurdistanî bîyarê.
Însîyatîfe paştîye danê vindertişo hembarre ya partî, sazî, şar û gerîllayanê kurdistanî ya verva îşgalkerîye tirke.
Însîyatîfe projeya Neo-Osmanî ya Erdoganî ya Rojhilata Mîyanên û Rojhilata Derîya Sipey rê vanê nê.
Eşkerayîye ra dima, endamaê kome waştîy şirê herêmanê ke dewleta tirke bi êrîşanê xo wêran kerdîy.
La hêzanê PDK reyna dormeye otele girot û nêverday ke kesêk bivecîyo.
Naye ser, endamanê heyeta aştîye dest bi çalakîya roniştişî kerd.
