Eşkerayîya Koordînasîyonê Komalêy Cînîyanê Kurdistanî KJK, vina ya.
Di dinya û xisûsî zî Rochelatê Mîyanênî de, pergala camêrdaneyî, verva cînîyan şerrêke dayo destpêkerdene.
Di ney şerrê Cîhanî yê 3’ine de, bi awayêko stratejîk, azadîya cînîye ameya hedefgirotene.
Cînîy, di heme wareyanê cuwîyeyî de, bi êrîşê wehşîyan reyde ribiri yê.
Di tirkîya û Kurdistanî de, temsîlê nêy ferasetê hovî, hetê îqtîdarê AKP-MHP ra yeno kerdene û verva civat û cînîyan tim di mîyanê şerrî de yo.
Êrîşê cînsî û qirkerdişî êy verva doman û cînîyan, polîtîkayê dewlete yê û hetê endamanê şerrê taybetî esker, polîs û cerdewanan ra, deyenê pêkardene.
Vatişê peyênî êy Wezîrê Şerrê Taybetî Soysûzî, eşkerayîyê fermî û sazûmanî yê na rewşe yê.
Heman feraset Efrîn û Şengale de verva cînîyanê kurdan zî ame pêkardene û bi hezaran cînîy amey remnayiş, bazaran de amey rotiş û tecawuzkerdiş.
Rojavayî de hedefgirotişê cînîyanê Ereban zî, hedefgirotişê înşaaya Netewa Demokratîke ya Cînîyan a.
Di eşkerayîye de bale ancîyena êrîşanê îşgalî êy dewleta tirke êy verva Vaşûrê Kurdistanî ser û nêy yenê vatene.
Bêvengîya hikumatê Vaşûrî ya verva îşgalkerîya dewleta tirke, nîna qebûlkerdene.
PDK, bîya pêkardoxa polîtîkayanê AKP ya verva Şarê Kurdî, ya Vaşûrî.
Verva na rewşe û polîtîkayanê qirkerdişî û hemkarîye, tekane rayire pêkardişê Yewîtîya Netewî ya Cînîyanê Kuridtanî ya.
Seba belgekerdiş û dinya ra vilakerdişê nêy sûcanê dewleta tirke, gere Şaro Kurd û Cînîyê Kurdîy bikewê mîyanê têgêrayişî.
KJK di peynîya eşkerayîya xo de vatiş ard tecrîdê Îmralî ser û nêy vatîy.
Rayhevalêy zîndanan seba şikitişê tecrîdî û azadîya Rayver Apoyî bedenê xo orte de ronayê.
Gere na xoverdêrî bi verkêşîya cînîyan civatî û berze bibo.
Di na çarçova de ma vengdanê berzkerdişê tekoşîna verva faşîzmî di serre de ro cînîyanê Kurdan, Tirkîya û heme cînîyan Rochelatê Mîyanênî kenê.
