Koordînasîyona Komalêy Cînîyanê Kurdistanî KJK derheqê êrîşanê îşgalkerîye êy dewleta tirke êy verva Heremanê Pawiteyan êy Medya de eşkerayîyêke bi raya pêroyî reyde barre kerde.
Eşkerayîya KJK wina ya.
Êrîşê dewleta tirke êy verva Heremanê Metîna, Avaşîn û Zape di çarçoveya konseptê qirkerdişî de ameyê destpêkerdene.
Di roca serragêrayîya Qirxûnê Ermanan de destpêkerdişê nêy êrîşan, tesduf nîyo û peyama qirkerdişê şarê Kurdî ya.
No êrîş di çarçoveya plana çokdayişî ya serra 2014’ine de yeno domnayiş.
Gêrîllayê HPG, YJA Stare bi rihêkê fedayî verva îşgalkeran xoverdêrîya xo domnenê.
Ma na xoverdêrîya gêrîllayanê azadîye silam kenê.
KOORDÎNASÎYONA KJK:
“NO ÊRÎŞ BÊ ERÊKERDIŞÊ EMRÎKA Û HÊZANÊ HEREMÎ NÊŞIKENO BÊRO PÊKARDENE”
Eşkerayo ke no êrîşo topyekûn, bê hetkarî û hemkarîya Emrîka û tay hêzanê hereme, nêşikeno bêro pêkardene.
Badê bivîrvistişê qerarê derheqê 3 rayirveranê Têgêrayişê Azadîye û pêdîyişê Bîdenî û Erdoganî yê bi telefonî reyde, destpêkerdişê êrîşî îspatê naye yo.
Tu feydeyêkê nêy qerarî şaranê Emrîka rê çîn yo û gere no qerar hetê raya pêroyî ya Emrîka ra zî nêro qebûlkerdene.
KOORDÎNASÎYONA KJK:
“FAŞÎZMÊ DEWLETA TIRKE DO ZIRAR BIDO HEME ŞARANÊ HEREME”
Eşkerayîya KJK wina bi peynî bena.
Faşîzmê Dewleta tirke, di wextê xo yê tewir zeîfî de yo.
Newe ra gîyankerdişê ney rejîmê faşîstî, di serre de şaranê hereme, zirar bido heme şaranê dinya û merdimayîye.
Wa gumanê tu kesî çîna bo ke do gêrîllayê azadîye bi verpersîyarîya tarîxî, heta peynî welatê xo bipawê û dişmenî axa xo ra biqewernê.
Bi no sebeb, gere no êrîş hetê heme Kurdan ra zî zê xeta sûre bêro dîyiş û di asta tewir berze de, helweste bêro nîşandayene.
