Malbata Şenyaşar a berxwedana xwe ya edaletê didomîne, destnîşan kir ku kekê Parlementerê AKP’î Îbrahîm Yildiz, Suleyman Yildiz gefa kuştinê li wan xwariye.
Çalakiya ‘Nobeda Edaletê’ ya Emîne Şenyaşar a hevjîn û du kurê wê ji aliyê parêvan û xizmên Parlementerê AKP’î Îbrahîm Yildiz ve hate qetilkirin li gel Kurê xwe Ferît Şenyaşar dabû destpêkirin di roja 119’an de didome.
Dayik û kurê wê yên ku saetên sibê tên ber derê edliyeyê, li ber bendên pêşiya avahiya edliyeyê bi dowîzên li ser ‘Ji bo her kesê edalet’ û ‘Dayikek 119 roj in li ber Qesra Edliyeya Rihayê di nobedê de ye. 2 kur û hevjînê wê li nexwexaneyê hate qetilkirin. Ji ber ku yên di nava qetlîamê de cih girtine, parlementer jî hene 3 sal in doz nayê vekirin.
Ferît Şenyaşar diyar kir ku ew di 2’yê Tîrmehê de ji bo piştevaniyê çûne Amedê û her kes doza wan dişopîne. Şenyaşar got sibê roja 120’emîn a çalakiya wan e û 4 mehê wê diqede.
GEFA KUŞTINÊ XWAR
Şenyaşar destnîşan kir ku qetlîam esil ew e ku li Nexweşxaneya Dewletê ya Pirsûsê pêk hatiye û got: “Derbarê bûyerê kamerayên ewlehiyê, beyanên doktoran û teşhîsa dayika min hene lê kesên qetlîam kirine bi rehetî di nava xelkê de digerin. Kekê wekîlê AKP’ê, Suleyman Yildiz ê ku ji polîtîkaya bêcezatiyê sûd werdigire hêj gefa kuştinê li me dixwe. Me cara duyemîn derbarê Suleyman Yildiz ê ku di medya civakî de gef li me xwar, gilî kir.”
‘DADGEREK NÛ Û HÊVIYEK NÛ!’
Malbatê li ser hesabê xwe yê medya dijîtal jî wiha got: “Dozgerê dozê yê 7’emîn çû. Wê dozgerê 8’emîn îro li dozê binêre diyar bibe. Sûcek mirovahiyê li holê heye, em tenê dixwazin tişta pêwîst a hiqûqî were kirin. Dozgerek nû! Hêvîyek nû!”
