Hemserokatîya Konseya Rayirbere ya KCK yî, bi eşkerayîyêke veng ro Şarê Kurîdî, hêzê sîyasîyan, roşinvîr û sazîyanê civatîyan kerd û vat;
Rewşe cîddî ya ger herkes helwesta PDK bivîno û seba vernîgirotişê ro provakasîyonanê PDK bikewo mîyanê hewldanan.
Eşkerayîya KCK wina ya.
Di wexto ke heremanê Metîna, Zap û Avaşîne de, verva îşgalkerîye şerrêko giran yeno dayene de, provakasîyonê PDK dewam kenê.
Fermandarê Pêroyî yê HPG Rayheval Mûrat Karayilanî zî di eşekrayîya xo de vatbi,
PDK wazena bi dekewtişê xeylê cayan, gêrîllayî dorme bikero û heke ney provakasîyonan ra fek vera nêdê do şerr bivecîyo.
Seba ke rewşêka winayine nêqewemîyo zî, ma veng ro şarê Kurdî, roşinvîr, hunermend û hêzanê sîyasîyan kerdbi ke, vernîye ro PDK bigerê.
Hunermend û roşinvîranê Ewropa tafil cewap da ney vengdanî û vat; “Provakasîyonêko winayin yê PDK do zirarêko pîl bido şarê Kurdî”.
Bi verpersîyarî nizdbîyişê vengdanê nêy hunermend û roşinvîran, gureyêko netewî yo.
Ma bawerê ke do heme şaro Kurd zî cewab bido nêy vengdanê Rayheval Mûrat Karayilanî û bikewo mîyanê têgrayişan.
Fermandarê Qerargeha Navende yê Hêzanê Pawitişê Şarî, zê hereketî, nizdbîyişê ma eşkera kerd.
Tu nîyetêkê ma yo bi hêzêka kurde reyde şerrî, çîn yo.
Verapeyê naye, serrêke zêdêrîyo PDK verva ma di mîyanê provakasîyonan de ya la ma rewşa şerrî ra xo dûrî genê.
No sebrrê ma, bi sebebê nêbîyişê perçeyêkê kaye û plananê dewleta tirke ra yo.
PDK, verva heme hewldananê ma yê nêvecîyayişê şerrêke, bi çekdaran û medîyaya xo provakasîyonan domnena.
Ma dorêka bîne veng ro şarê xo kenê û vanê;
Verva nêy heme hewldananê ma, ke qewemîyayişêko xirab pêk bêro zî, verpersîyarê naye PDK ya.
Eşkerayîyê Rayirberanê PDK ra Edhem Barzanî êy verva îşgalkerîye û aqeterîyayişê PDK ra,eşkerayîyê YNK ke do tewrê şerrêkê xomîyanî nêbê, helwesta Hîbû Şîû û roşinvîr û hunermendanê Kurdan, helwestêy verpersîyarîya nimûneye yê.
Rewşe zaf cîddî ya.
Gere tafil verva provakasîyonanê PDK, helweste bêro nîşandayene.
Bêke bêro ereykewtiş, karo tewir muhîm yê nikayî no yo.
