Hemserokatîya Konseya Rayirbere ya KCK yî derheqê êrîşanê îşgalkerîye de eşkerayîyêke da.
Eşkerayîya Hemserokatîya Konseya Rayirbere wina ya.
Dewleta tirke ya îşgalkere, şewa 23’ê Nîsane de verva Heremanê Pawiteyan êy Medya, êrîşêke da destpêkerdene.
No êrîş, dewamê palana têkberdişî ya 2014’ine û temamkerdişê plane çinêkerdişî ya şarê Kurî yo.
Êrîşê îşgalkerîye, di roca serragêrayîya “Qirxûnê Ermanan” de ame destpêkerdene.
Bi naye, peyama “ma senî Ermenîy qir kerdîy ma do şima zî wina qir bikerê” ya.
Senî ke Qirxûnê Ermenan bi hetkarîya Almanya, welatanê Ewropa û bi bêvengîya Emrîka amebi pêkardene, qirkerdişê verva Kurdan zî bi hetkarî û hemkarîya, heman hêzan o.
HEMSEROKATÎYA KONSEYA RAYIRBERE YA KCK’YÎ
“PDK Û HÊZÊY SÎYASÎ ÊY KURDAN BI BÊVENGÎYA XO CESARET DANÊ ÎŞGALKERAN”
Her çende PDK bi awayêko fîîlî tewrê nêy êrîşan nêbena zî, PDK û hêzêy sîyasî êy Kurdan bi bêvengîya xo, benê sebebê meşrûkerdişê nêy êrîşan.
Kam cayî de beno wa bibo ke verva hêzêka kurde êrîşîy pêk amey gere heme hêzê sîyasî û şaro kurd bertekêy ke hewce kenê nîşan bido.
Heke PDK û hêzanê sîyasî êy Kurdan verva nêy êrîşan helwestêka cîddî nîşan bidayêne se, tirkîya cesartê nêy êrîşan nêkerdêne.
HEMSEROKATÎYA KONSEYA RAYIRBERE YA KCK’YÎ
“NÊY ÊRÎŞÎY BINLINGKERDIŞÊ ÎRADEYÊ SÎYASÎ YÊ HIKUMATÊ ÎRAQÎ YÊ ZΔ
KCK ye vat;
Nêy êrîşîy di heman wextî de binligkerdişê îradeyê sîyasî yê dewleta Îraqî yê zî.
Bi no sebeb gere dewleta Îraqî zî helwestêka cîddî nîşan bidayêne.
Eşkerayî wina bi peynî bena.
HEMSEROKATÎYA KONSEYA RAYIRBERE YA KCK’YÎ
“GERE EMRÎKA Û DEWLETÊ EWROPA NÊBÊ ŞIRÎKÊ QIRKERDIŞÊ ŞARÊ KURDΔ
Wa şaro Kurd û dostîy, reyna hêzê demokrasî bizanê ke nêy êrîşîy, tenê verva gêrîllayî nê, bi mexsedê qirkerdişê heme şarê Kurdî yê.
Bi tasfîyekerdişê gêrîllayî, wazenê qirkerdişê kurdan temam bikerê.
Di hedefa êrîşan de, tenê Vakûrê Kurdistanî nê, îşgalkerdişê Vaşûrî û kurdêy heme perçeyan est ê.
Di serre de Emrîka û Ewropa, ma veng ro heme hêzanêy ke paştîye danê îşgalkerîya dewleta tirke kenê û vanê, şima bi na helewesta xo bîy şirîkê Qirxûnê Ermenan.
Êdî fek nêy polîtîkayanê xo ra vera bidê û mebê şirîkê qirkerdişê şarê Kurdî zî.
