Kongreya Civaka Demokratîk ya Kurdistanijanê Ewropa, derheqê êrîşê îşgalkerîye yê artêşa tirke de, eşkerayîyeke barre kerd.
KCDK-E bale ante êrîşanê îşgalkerîye êy verva herêmanê Metîna, Avaşîn û Zap ser û vat:
“Artêşa tirke ya îşgalkere ke bi teyareyanê şerrî,hawan û obisan êrîşê giranan pêk ana û bê ke maberê sîvîl û gerîllayî de cîyakerîye bikero, qirkerdişê kurdan hedef girewto.”
KCDK-E veng ro şaro Kurdî, şoreşger, demokrat, rewşenbîr û heme şaranê Ewropa kerd ke, wa werzê ra lingan ser, bivecîye kuçe û qadan û çalakîy ro dar bifînê.
KCDK-E vat:
“Seba ke ma sûcanê şerrî êy dewleta tirke û dîktator Erdoganî û mexsedê înan ey îşgalkerîye teşhîr bikerê, gere ma her cayî de werzê ra lingan ser.”
Bi heman mexsedî Konfederasyona Civakê Kurdistanî ey Elmanya KON MED’e zî eşkerayîyeke da.
KON MED’e di eşkerayîya xo de vat:
“Artêşa dewleta tirke ya îşgalkere ke dişmena estbîyîşê Kurdan a, bi teyareyanê şerrî, Heremanê Pawiteyan ey Medya bombevaran kena.
Ney qadan de maberê gerîlla û îşgalkeran şerrêko giran, dewam keno.
Di sere de meclîsê şarî û dostan ma, ma veng ro her kesî kenê ke,verva êrîşanê artêşa tirke êy bi hemkarîya PDK bivecîye qadan û çalakîyanê protestoyî ro dar bifînê.”
