Dewleta tirke bi teknîko ke Kanada, Almanîya û Îngilistanî ra gena xeylê cayan de sûcanê verva merdimayîye pêk ana.
Nimûneyo tewir ver bi çim teyareyê bisîla û bêmerdim SÎHA û ÎHA yê.
Tirkîya teknîk û perçeyanê nêy teyareyan Kanada, Almanîya û Îngilîstanî ra herênena.
Rixmo ke zafê perçeyanê teknîkî êy nêy teyareyan teberî ra yenê zî Erodgan nêy teyareyan zê sîlahanê netewî bi name keno.
Nêy teyareyê SÎHA û ÎHA’yan di serre de Kurdistan, Rojava, Sûrîya û Lîbya xeylê cayan de amey bikarardene.
Bi ney sîlahan di cayanêy ke amey binamekerdene de, xeylê sivîlîy amey kiştiş û sûcê verva merdimayîye pêk amey.
Tewir zaf zî Vaşûr û Vakûr û Rojavayî de verva Kurdan amey bikarardene.
Dewleta Tirke wextê îşgalkerdişê Efrîn, Girê Spî û Serê Kanîye de nêy teyarey bi kar ardîy.
Nêrazîbîyişê raya pêroyî sero Kanada Citmenga 2019’ine de rotişê perçeyanê nêy teyareyan vindarna bi.
Dime ra zî bi tay şertan newe ra dest bi rotişê ney teknîkî kerdbi.
Dewleta tirek bi goreyê êy şertan tênêgeyra û di şerrê Ermenîstan û Azerbeycanî de, Qarabaxe de nêy teyarey verva Ermenîyan bi kar ardîy.
Naye sero Kanada dorêka bîne rotişê perçeyanê nêy teyareyan vindarna.
Nika zî Kanada bi temamî rotişê perçeyanê SÎHA û ÎHA yan yê Tirkîya qedexe kerd,
Wezîrê Karanê Teberî yê Kanada Marc Garneaûyî qedexe eşkera kerd.Dewleta tirke nêrazîbîyiş nîşanê ney qerarî da.
La dewleta tirke nika zî hewl dana ke bi rayira Katarî na ambargo bişikno
