HÊZÊN RIZGARIYA EFRÎNÊ
JI 26 HETA 30’Ê HEZÎRANÊ 10 ÇETE HATIN KUŞTIN, 4 JÎ BIRÎNDAR BÛN
Şervanên Hêzên Rizgariya Efrînê li dijî artêşa Tirk û çeteyên wê çalakiyên xwe zêde kirin.
Ji 26 heta 30’ê Hezîranê şervanan bi çalakiyên cuda li dagirkeran xistin.
Li gorî daxuyaniyê:
Roja 26’ê Hezîranê şervanan li bajarokê Marê li dijî noxteyeke çeteyan çalakiyeke sekvaniyê pêk anî..
Di encamê de çeteyek hat kuştin..
Heman rojê şervanan li çerxerêya Kawa ya Efrînê bi çalakiyeke sabotajê dagirker kirin hedef.
Li vê derê 3 çete hatin kuştin, 4 çete birîndar bûn û du wesaîtên wan jî hatin hilweşandin.
27’ê Hezîranê jî dagirkerên li gundê Dabiqê ya bajaroka Marê bûn hedefa şervanan.
Kuştî û birîndarên çeteyan çêbûn, lê hejmara wan nehat zelalkirin.
29’ê Hezîranê jî şervanan li derdora bajaroka Marê rêzeçalakiyên sekvaniyê kirin.
Di encama van çalakiyan de jî 5 çete hatin kuştin.
30’ê Hezîranê jî gundê Kefer Kelbîn ê bajarokê Ezazê çeteyek hat kuştin.
Li gorî daxuyaniyên HREyê ji 26 heta 30’ê Hezîranê bi giştî di çalakiyên şervanên Efrînê de 10 dagirker hatin kuştin.
