PÊNGAVA ŞOREŞGERÎ YA BAZÊN ZAGROSÊ
HPG: YJA-STAR’Ê BI ÇALAKIYEKE LI ZAPÊ SILAV DA 15’Ê TEBAXÊ
Navenda Ragihandinê û Çapemeniyê ya HPG’ê bi daxuyaniyekê ragihand, ku hêzên YJA-Starê li artêşa dewleta Tirk a dagirker dane.
Çalakiya gerîlayên jin 11’ê Tebaxê li Zapê pêk hat.
YJA-Starê dagirkerên li ser girê Şehîd Mervan kirin hedef.
Di encama çalakiyê de çeperekî derb xwar û 2 pergalên kamerayên mobesse jî hatin îmhakirin.
HPG’ê ragihand, ku hêzên YJA-Starê ji bo silavkirina Pêngava 15’ê Tebaxê ev çalakî li dar xistine.
HPG’ê wekî din di daxuyaniyê de êrişên dewleta Tirk ên 11’ê Tebaxê jî ragihandin.
ÊRIŞ Û BOMBERDIMANA LI DIJÎ QADÊN GERÎLA
HPG: ARTÊŞA TIRK DÎSA BI GAZA KÎMYEWÎ ÊRIŞÎ TUNELÊN WERXELÊ KIR
Li gorî daxuyaniyê qada Kafya ya Garê, tunelên şer ên li Girê Sor ê Avaşînê, dora gundên Êdînê, Dêşîşê û Serarû yên bajarokê Kanîmasî bi balafirên şer, teqemenî û obusan hatin bombekirin.
Her wiha li dijî tunelên şer ên li qada Werxelê ya Avaşînê jî êrişa bi gaza kîmyewî pêk hat.
4 caran jî tunelên şer bi teqemeniyan hatin bombekirin.
Di êrişan de ti zirar li hêzên gerîla nebû.