Navenda Rewnayiş û çapemenîya HPG derheqê talankerdişê xozaya Kurdistanî de eşkerayîyêka nûştekîye bi raya pêroyî reyde barre kerde.
HPG di eşkerayîya xo de vat;
Dewleta îşgalkere di cayanêy ke resaya ci de daristanan birrnena û cayanêy ke nêresena zî bi bombevaranan veşnena.
HPG veng ro şarê Kurdî kerd ke verva nêy talanê xoza vengê xo berz bikerê.
NAVENDA RESNAYIŞ Û ÇAPEMENÎYA HPG
XOZAYA KURDISTANÎ YENA HEDEFGIROTENE
Eşkerayîya Navenda Resnayiş û Çapemenîya HPG wina ya.
Dewleta tirke ya îşgalker û talankere dorêka bîne bi texrîbkerdişê xozaya kurdistanî dişmentîya xo nîşan dana.
Dewleta tirke di cayanêy ke resena de bi birrnayişê daran û cayanêy ke nêresena de zî bi bombevaranan xoza texrîb kena.
Reyna bax, baxçe û debrê şarê ma yê Vaşûrî bi awayêko bi zaneye yenê bombevarankerdene.
Ma ven ro heme Kurdistanij û sazîyan kenê ke verva na hovîtîya dewleta tirke vengê xo berz bikerê.
NAVENDA RESNAYIŞ Û ÇAPEMENÎYA HPG
AXA KURDISTANÎ YENA BOMBEVARANKERDENE
HPG derheqê bombevaran û têgêrayişanê eskerî de zî nêy agahîy day.
30’ê Gulane seetanê maberê 9 û 1’ê şewe de mentîqaya Cîloya Qice ya Zape de têgêrayişê helîkopteran pêk ameyo.
Bi helîkopteranê Skorskîyan îşgalkerê Girê Şehîd Serxwebûn amey vûrnayiş.
Heman seetan de mentîqayê Cîloya Qice, Şamkê û Şehîd Tufanî amey bombevarankerdene.
Hêzanê me 2 milan ra mudaxele kerd û helîkopterî amey derrbkerdene.
Badê derrbwerdişî helîkopterîy neçar mendîy ke hereme ra dûrî bikerê.
Reyna 30’ê Gulane seetanê sibayî de mentîqaya Kafîya ya hereme Garê amî bombevarankerdene.
29’ê Gulane seete 10′ î de bejayîya dewa Hîrorê ya Kanî Masî bi obusan amî topvarankerdene û hereme de adir vecîya.
30’ê Gulane seetanê sibayî de mentîqaya Basya ya Herema Avaşîne 3 dorîy bi teyareyanê şerrî amî bombevarankerdene.
Heman roce seete maberê 9 û 10 şewe de mentîqayê Mamreşo û Mervanose de bi helîkopteran îşgalkerîy amey ronayene-.
Mentîqayê Çemço û Sîda êy Herema Zape bi obusan amey topvarankerdene û adir vecîya.
31’ê Gulane mentîqaya Kurojehro û Cîloya Qice êy Zape 2 dorîy.
Di bombevaranan de tu zirarêke nêresayo gêrîllayan.
