Navenda Resnayîş û Çapemenîya HPG derheqê çalakîyanê gerîllayan ya verva artêşa tirke ya îşgalkere de eşkerayîyeke barre kerd.
Bi goreye naye:
Hêzê Pawitişê Hewayî ya Şehîd Delal Amed, 11’ê Hezîrane qada Kîlîse ya herêma Avaşînî de verva îşgalkeran, hewayî ra çalakîyeke pêk ardîy.
Gerîllayan di çarçoveye Hemleya Serkewtişî ya Egîdanê Botanî de:
Qezaya Berwarî ya Sêrtî de, verva îşgalkeran ke girê maberê dewanê Osyan û Aqîr de bi ca bîye, 9’ê Hezîrane çalakîyeke koordînekerdîye rodarvist.
Û 3 milan ro îşgalkeran day.
6 îşgalkerîy amey cezakerdiş û 1 stasyona bazî amî îmhakerdene.
HPG vat:
“Di na çalakîye de, qada ke artêşa tirke bica bîy, amey hedefgirotene. Cerdewanîy di hedefê ma de nêbîy û cerdewanîy ke qade de bîy ra tu agahîye hêzanê ma çinê bi. Bi no sebeb ra, ma keyeyî cerdewan Mehmet Babat ke çalakîye de cuwîyeye xo vînî kerd, rê serweşîye wazenê.
Dewleta tirke bi awayoke zanaye cerdewanîy danê refanê vernî. Gere cerdewanîy naye rê hişîyar bê, nêrê ney kayanê dewlete û ney cayan de ca megerê.”
XOVERDÊRÎYA GERÎLLAYAN YÊ VERVA ÎŞGALKERÎYE
HPG: GERÎLLAYAN AVAŞÎNE DE XEYLÊ MALZEMEYE ESKERÎ DESTESER KERDÎY
Gerîllayan di çarçoveye Hemleya Şoreşgere ya Bazanê Zagrosan de:
10’ê Hezîrane verva îşgalkeran ke hewl day bikewê tunelanê şerr ey qada Werxêle ya herêma Avaşîne, çalakîyeke koordînekerdîye rodarvistîy.
Îşgalkeran ke derrbey werdê, cayê xo ra remay û pey xo de xeylê malzemeye eskerî verday.
Gerîllayan zî 250 kîlo teqayîş, 1 çanteya eskerî, 1 dedektore meyînî û 1 dirbun desteser kerdîy.
12’ê Hezîrane de îşgalkeran hewl day nêzdî tunelanê şerrî bibê.
La hetê gerîllayan ra amey derrbkerdene û game apey eştîy.
Îşgaleran dime ra bi dronîy nêzdî tunelan bîy.
Ney dornîy hetê gerîllayan ra amey îmhakerdene.
XOVERDÊRÎYA GERÎLLAYAN YÊ VERVA ÎŞGALKERÎYE
HÊZANÊ YJA-STAR XAKÛRKE DE 2 ÎŞGALKERÎY CEZA KERDÎY
HPG di dewamîye de da zanayene ke,
hêzanê YJA-Star 12’ê Hezîrane Girê Şehîd Axîn ya herêma Xakûrke de vevra îşgalkeran çalakîyeke rodarvistîy.
2 îşgalkerîy amey cezakerdene.
HEMKARÎYA PDK YA BI DEWLETA TIRKE REYDE
HPG: PDK KOORDÎNATÊ HÊZANÊ MA BI DEWLETA TIRKE REYDE BARRE KERDÊ
HPG di peynîye de, derheqê xebatan û mewzî-viraştişê çekdaranê PDK’yî ya herêma Metîne de ney vatîy:
“12’ê Hezîrane de, hetê hêzanê ma ra hereme de cerebnayîşêke ame pêkardene.
Koordînatê hêzanê ma hetê PDK ra amey ferqkerdene û bi dewleta tirke reyde amey barre-kerdene.
Naye sero, teyyarayê artêşa tirke qada ke rayhevalanê ma tede bî, bombevaran kerde.
Hêzanê ma tedvîranê xo girotbî û ti vîndîkerdey çinê yê.”
