Navenda Resnayîş û Çapemenîya HPG derheqê çalakîyanê gerîllayanê azadîye yê di çarçoveye Hemleya Şoreşgere ya Cenga Xabûre de eşkerayîyeke barre kerd.
Bi goreye eşkerayîye:
5’ê Hezîran girê Sîser ya qadan Geleye Pîsaxa ya herêma Heftanînî de verva artêşa tirke ya îşgalkere, 2 çalakîy amey rodarvistene.
Di çalakîyan 1’ine de, wesayîtêke ke kontrayêke bi name Şahîn tede bi ame pirodayene û kontra Şahîn ame cezakerdene.
Di çalakîya 2’ine de wesayîtêke bîn ke kontrayêke bîn tede bi ame pirodayene.
Wesayît amî derrbkerdene û kontra ame dirbetinkerdiş.
Reyna 5’ê Hezîranê Girê Koordîne ya herêma Metîna de verva îşgalkeran çalakîyeke ame rodarvistene.
Mewzîya îşgalkeran amî îmhakerdene û 3 îşgalkerîy amey cezakerdene.
Dimera Gerîllayan derrbe ro mewzîyeke bîn zî da.
Gerîllayan 6’ê Hezîran Girê Zendûra ya herêma Metîna de verva îşgalkeran çalakîyeke rodarvist.
Mewzîya îşgalkeran amî pirodayene.
Kişte û dirbetinanê artêşa îşgalkere nêame tesbîtkerdene.
HPG di dewamîye de derheqê bombevaranê artêşa tirke ya îşgalkere de ney agahîy day:
5’ê Hezîrane dormeye dewanê Golke û Hîrore ya girêdayê Kanî Masî ya Amedîye bi obus û havanan amey bombevarankerdene.
Di bombevaranî de bax û bexçeye dewican zirar dîy û erazî de şewat vecîya û hema zî dewam keno.
Reyna 5’ê Hezîrane Qada Zendûra û Girê Çerçel ya herêma Metîna, qadanê Werxelê û Girê Sor ya herêma Avaşîne û qada Cîloya Qice ya herêma Zape bi teyyarayê şerr amey bombevarankerdene.
Heman roce qadanê Mamreşo, Mervanos û Şûkê ya herêma Avaşîne de têgêrayîşî helîkopteran estbi.
Û qada Qela Bêdew ya herêma Zap bi helîkopteran amî bombevarankerdene.
HPG vat, di ney bombevaranî de çîyêk bi hêzê gerîlla nêbi.