Navenda Resnayîş û Çapemenîya HPG derheqê çalakîyanê gerîllayan ey verva îşgalkerîye dewleta tirke de agahîy day.
Di çarçoveye Hemleya Şoreşgerî ya Cenga Xabûre de:
6’ê Gulane de mewzîye îşgalkeran ke Girê Zendûraya Pîl û Girê Zendûraya Şenik de bi ca bîy, hetê gerîllayan ra bi çekanê giran ameye pirodayene.
Humara îşgalkeran ke ameye cezakerdiş nêame zanayene.
HEMLEYA ŞOREŞGERÎ YA BAZANÊ ZAGROSAN
HPG: 6’Ê GULANE HERÊMA AVAŞÎNE Û ZAPÎ DE 12 ÎŞGALKERÎY AMEY KIŞTENE
HPG derheqê çalakîyanê di Hemleya Şoreşgerî ya Bazanê Zagrosan ya 6ê Gulane de zî ney agahîy day:
Girê Şehîd Munzur û Qela Mamreşo ya herêma Avaşîne de eskerê artêşa tirke bi doçkayan ameye pirodayene.
Hêzanê YJA-Star Girê Şehîd Serdar de bi hawanan û doçkayan reyde ro îşgalkeran day.
Gerîllayanê azadîye Kurdistanî verva îşgalkeran ke qada Aris Faris ya herêma Avaşîne dest bi têgêrayîşî kerdbî, çalakîyeke rodarvist.
1 îşgalkera ame cezakerdiş.
Heman qade de, maberê gerîllayan û îşgalkeran de şerr qewimya.
Di şerrî de 4 îşgalkerîy ceza kerdiy.
Maberê 6 û 7’ê Gulane de îşgalkeran ke qada Aris Faris de verva xoverderîya gerîllayan nêşikay aver şirê, gazê kîmyewî ey jahrîn bikar ardîy.
Gerîllayan cevab da ney êrîşîy û derrbey giran ro artêşa tirke ya îşgalkere da.
Herêma Zapî de zî çalakîyanê gerîllayan estbî.
Gerîllayan Girê Şehîd Merwanî de verva îşgalkeran çalakîyeke koordîne rodarvist.
Di vernî hêzê çalak ey gerîllayan şîy mîyan îşgalkeran.
Bi bombeye destan û çekanê ferdî ro îşgalkeran day.
Naca de 4 îşgalkerîy amey cezakerdiş.
Dime ra hêzê pawitişî 3 hetan ra ro îşgalkeran day.
2 îşgalkerîy amey cezakerdiş.
Çalakîya ke di encamê de 6 îşgalkerîy amey cezakerdiş, di şexse fermandar Serhed Giravî de, seba heyfgiroewtişê şehîdanê Xoverderîya Mamreşo amî rodarvistne.
HPG da zanayene ke, 6’ê Gulane Girê Şehîd Serdar ya herêma Avaşîne de şerrêko 15 deqeyan qewimya.
HPG do dime ra agahîy ney şerrî bi raya pêroyî reyde barre bikero.
Di peynîya eşkerayîye de zaneyene ke, 1’ê Gulane qada Derîya Wara ya herêma Cudî de zî ro îşgalkeran çalakîyeke suîkaste ame rodarvistene û 1 îşgalker ame cezakerdene.