Navenda Resnayîş û Çapemenîya HPG detayanê çalakîya gerîllayan ya verva Balafirgeha Eskerî ya dewleta tirke ya îşgalkere ya Amede barre kerd.
Eşkerayî wina ya:
“Hêzê Pawitişê Hewayî ya Şehîd Delal Amed şewa 18’ê Gulane de bi 2 teyyaran verva Balafirgeha Eskerî ya Amede 2 çalakîy rodarvistîy.
Bi teyyaraya 1’ine ro awanîya pîlot û personelanê artêşa hewayî ya dewleta îşgalkere ame pirodayene.
Bi teyyaray 2’ine zî ro qada teyyaranê şerrî ame pirodayene.
Çalakîy bi awayoke serkewtê pêk amey.
Di Balafirgeha Eskerî de teqayîşêy pîlîy amey meydan.
Îşgalkerîy ke amey cezakerdene û dirbetinkerdene nêame tesbîtkerdene.”
HEMLEYA ŞOREŞGERÎ YA BAZANÊ ZAGROSAN
HPG: XAKÛRKE DE 6 ÎŞGALKERÎY AMEY CEZAKERDENE
HPG derheqê Hemleya Şoreşgerî ya Bazanê Zagrosan de zî ney agahîy day:
“Hêzanê ma 18’ê Gulane herêma Xakûrke de wesayîtêka zirxîn ke maberê Giranê Kevorte û Lêlikan de têgêrayîşî de bî, hedef girotê û piroday.
Di encame de, wesayîta bi tîpa REO amî îmhakerdene.
En tay 6 îşgalkerîy ke tede bîy, amey cezakerdiş.
Na çalakî seba vîrardişê şehîdanê aşma Gulane amî pêkardene. ”
HPG da zanayene ke, 19’ê Gulane qada Herfa T ya herêma Zape de çalakîyeke ame rodarvistene.
4 îşgalkerîy ke kom bibîy amey hedefgirotene û bi awayoke nêzdî ra amey pirodayene.
HPG do detayanê na çalakîye dime ra bi raya pêroyî reyde barre bikero.
HEMLEYA ŞOREŞGERÎ YA CENGA XABÛRE
HPG: GERÎLAYAN METÎNA DE BI ROKETAN DERRBE RO ÎŞGALKERAN DAY
dîmenê çalakîyên gerîlla
HPG derheqê Hemleya Şoreşgerî ya Cenga Xabûre de zî ney agahîy day:
“18’ê Gulane Girê Azad ya herêma Metîna de bi çekanê giranan reyde verva îşgalkeran çalakîyeke ame rodarvistene.
Naca de 3 roketêy ro mewzîye îşgalkeran, 2 roketêy zî dormeye mewzîyan amey eştene.
Humara cezakerdeyan û ditbetinanê îşgalkeran nêame tesbîtkerdene.
Îşgalkeran çalakîya gerîllayan ra dima, dewanê Dêşîşê û Seraro bi obusan bombevaran kerdîy.
Bi sebebê bombevaranîy, zirar dîyay bexçeyanê welatijan.”
Navenda Resnayîş û Çapemenîya HPG di peynî de zî derheqê bombevaranan de ney agahîy day:
19’ê Gulane Girê Zendûra ya herêma Metîna, dewanê Kinyanîş û Nêrwe û Girê Îehîd Serxwebun ya herêma Zap, qada Werxelê û qada Mamreşo ya herêma Avaşîn amey bombevaran kerdene.
HPG vat, di ney bombevaranîy de çîyêk bi hêzê gerîlla nêbi.
