BAZÊN ZAGROSÊ Û CENGA XABÛRÊ
HPG: GERÎLAYAN BI ÇEKÊN GIRAN LI DAGIRKERAN DAN
Navenda Ragihandinê û Çapemeniyê ya HPG”ê bi daxuyaniyekê agahiyên dawî têkildarî çalakî û şerê li herêmê par ve kirin.
HPG”ê ragihand, ku gerîlayan bi Pêngava Şoreşgerî ya Bazên Zagrosê li Avaşînê li artêşa dewleta Tirk a dagirker dane.
18’ê Tîrmehê gerîlayan bi çekên giran dagirkerên li ser Girê Silêman û çeperên wan kirin hedef.
Heman rojê bi şev artêşa Tirk gazên bi jahr û teqemeniyan êrişî tunel û çeperên şer ên li qada Werxelê kir.
Dîsa jî ti encam bi dest nexist.
19’ê Tîrmehê dagirkerên 2 caran xwestin nêzî çeperên şer ên li Girê Sor bibin, bûn hedefa gerîlayan.
Hêzên gerîla ji nêz ve her du caran li wan dan û dagirker vekişiyan.
HPG’ê ragihand, ku gerîlayan bi Cenga Xabûrê jî li Heftanîn û Metînayê çalakî kirine.
17’ê Tîrmehê hêzên gerîla dagirkerên li Girê Dûpişk ê Heftanînê bi çekên giran kirin hedef.
18’ê Tîrmehê jî artêşa Tirk gundên Kêste û Hirorê yên herêma Metîna bi helîkopteran bombe kirin.
18 û 19’ê Tîrmehê qadên Çemço û Sîda yên Zapê jî bi balfirên şer hatin bombekirin.
HPG’ê diyar kir, ku di êrişan de ti zirar li gerîlayan nebûye.