ŞERÊ GERÎLA LI DIJÎ DAGIRKERIYÊ
HPG: GERÎLA RÊ NEDA DAGIRKER BIKEVIN TUNELÊN ŞER
Navenda Ragihandinê û Çapemeniyê ya HPG’ê rewşa dawî ya şerê li Zap û Avaşînê bi daxuyaniyekê eşekre kir.
HPG’ê diyar kir, ku gerîla li her du herêman jî bi Pêngava Şoreşgerî ya Bazên Zagrosê radibin.
Agahiyên HPG’ê dayî wiha ne;
17’ê Tîrmehê artêşa Tirk xwest li ser dora Cîloya Biçûk a Zapê bi cih bibe û çeperan çêke.
Gerîlayan bi çekên giran li dagirkeran dan.
Li ser çalakiya hêzên gerîla, dagirkeran çêkirina çeperan rawestandin.
16’ê Tîrmehê artêşa Tirk xwest bikeve tunelên şer ên li Girê Sor ê Avaşînê.
Gerîlayan ji nêz ve lê dan û dagirker qedemeyekê vekişiyan.
Heman rojê dagirkeran xwest teqemeniyan li tunelên şer bi cih bikin.
Gerîlayan mudaxale kir, qismek ji teqemeniyan îmha kir û yên mayî jî desteser kirin.
Dîsa 16’ê Tîrmehê artêşa Tirk bi teqemeniyan êrişî tunelên şer ên li qada Werxelê kir.
HPG’ê her wiha ragihand, ku balafirên şer û helîkopteran, qada Stûna ya Avaşînê, qadên Herfa T, Sîda û Cîloya Biçûk ên Zapê bombe kirin.
Di êrişên 16 û 17’ê Tîrmehê de ti zirar li hêzên gerîla nebû.