ÊRIŞA LI GUNDÊ DÊŞÎŞÊ Û QETILKIRINA ÎBRAHÎM HESEN
HPG: EM Ê TEQEZ HESAB JI KUJERÊN KURDAN BIPIRSIN
Artêşa dewleta Tirk a dagirker doh êrişî gundê Dêşîşê yê bajarokê Kanîmasî ya Amediyê kir.
Welatiyê bi navê Îbrahîm Hesen ê bavê 6 zarokan bû dema baxçeyê xwe av dida bû hedefa êrişa artêşa Tirk.
Navenda Ragihandin û Çapemeniyê ya HPG’ê têkildarî qetilkirina Îbrahîm Hesen daxuyaniyek da.
HPG’ê da zanîn ku ew ê teqez hesap ji kujerên Kurdan bipirsin û wiha got.
Welatparêzê Kurd Îbrahîm Hesen di êrişeke namerdane ya artêşa Tirk de şehîd bû.
Di serî ji malbat û xelkê Dêşîşê yên dev ji axa xwe bernede û bi helwesta welatparêziyê tevdigerê re sersaxî dixwazin.
Artêşa Tirk a nikare berxwedana gerîlayên azadiyê bişkîne bi awayekî hovane êrişî gelê Kurd ê sivîl dike.
Bi van êrişan dixwaze Kurdan ji van herêman derxînin û di pîlana xwe ya dagirkeriyê de gaveke din biavêje.
Lê gelê me yê welatparêz ê Başûrê Kurdistanê li hemberî van polîtîkayên dijmin dev ji axa xwe bernade
Û bi helwesta xwe êriş û pîlanên dewleta Tirk a dagirker pûç dike
Em wek parazvanên Kurdistanê careke din radigihînin ku em ê teqez hesab ji kujerên Kurdan bipirsin.