DEWLETA TIRK DERBÊN GIRAN DIXWE, SERÎ LI RÊBAZÊN QIRÊJ DIDE
HPG: ARTÊŞA TIRK BOMBEYÊN KÎMYEWÎ BI KAR TÎNE
Navenda Ragihandinê û Çapemeniyê ya HPG”ê di daxuyaniya xwe ya îro de ev agahî dan:
Dagirkerên nikarin li hemberî berxwedan û performansa şer a hêzên me encamê bi dest bixin, Avaşîn, Zap, Metînayê bi balafirên şer û helîkopteran bombe dikin.
Li rex bomberdimanê, dagirker li hemberî tunelên şer bombeyên kîmyewî bi kar tînin.
2’yê Gulanê li dijî çeperên şer ên li Girê Şehîd Serdar ê Avaşînê bombeyên kîmyewî hatin bikaranîn.
Heman rojê balafirên şer qada Dola Konferansê 2 caran bombe kirin.
Dîsa 2’yê Gulanê artêşa Tirk eskerên xwe danîn qada Mamreşo ya Avaşînê.
Heman rojê ji şev heta şeveqê li ser qela Bedewê ya Zapê livûtevgereke zêde û bomberdimana bi helîkopteran pêk hat.
3’yê Gulanê qela Bedewê bi balafirên şer hat bombekirin.
2 û 3yê Gulanê qadên Derarê, Kêste û Zendûra yên Metîna bi helîkopter û balafiran hatin bombekirin.
Di tevahiya van êrişan de ti zirar li gerîlayan nebû.