Komek çeteyên DAIŞ’ê, di saetên danê êvarî de hewldan bi dizî bikevin Wargeha Şehîd Rustem Cûdî ya Maxmûrê.
Hêzên Parastina Cewherî ev hewldan çeteyan vala derxistin û çete reviyan.
Li gorî agahiyên Hêzên Parastina Cewherî, komeke çeteyên DAIŞ’ê dixwestin bi dizî ji başûrê wargehê ve bikevin nava wargehê.
Lê hêzên parastina cewherî bi vê hewldana çeteyan hesiyan û bêyî ku şer rû bide çete neçar man ji herêmê birevin.
Li gorî hate ragihandin vê gavê li wargehê rewş aram e.
Hêjayî gotinê ye ji saetên sibê ve li ser asîmanê wargehê liv û tevgera helîkopter û balafirên şer heye.
