Parlamentera HDP ya Stembole Huda Kaya mijara hobîtîya verva cenazeyanê ke Kîlyose de ameye definkerdene, berd rojdema meclîse.
Cenazeyê gerîllayan ke goristana Xerzane ra ameye vetiş, goristana Kîlyos ya Stembole de, bin peyarayire de ameye definkerdiş.
Parlamenter Huda Kaya encame serrepirodayîşane keyeyan, wezîrê şerrî taybetî Suleyman Soylu ra persay.
210520-istanbul-kilyos-bitlis-garzan-hpg-sehitliginden-turk-devleti-tarafindan-cikarilarak-kacirilan-cenazeler-kutular-icinde-kaldirima-plastik-kutularda-gomulmus-halde-detay-dis
00:04 DETAY
Huda Kaya di persnameye de bi vîrî vist ke, cenazeyî bi awayeko ke rumetê merdimî dejneno, Goristana Bêkesan ya Kîlyose de ameye definkerdiş.
Di persnameya Huda Kaya de ney ameye perskerdiş:
*Rixmo ke testê DNA ameye kerdene û keyeyî zî yenê zanayene, bi kamco hincete cenazeyî goristanê bêkesan de ameye definkerdiş?
*Derheqê agahîya kamîya cenazeyan de, Sazîya Tiba Edlî ya Stembole kamco zanayîşan bi dest vistîy û çend cenazeyî teslîmê keyeyî înan ameye kerdene?
*Rixmo ke destûre de heqê definkerdişê cenazeyan esto, bi kamco hincete cenazey mezelan ra ameye vetiş û teslîmê keyeyî înan nînê kerdene?
Goristana Xerzan dewa Olêka Jor ya Bedlîse de ya.
Dewleta tirke ya îşgalkere serra 2017’ine de mezelan veng kerdîy û 285 cenazey berdîy Stembole û Goristana Bêkesan ya Kîlyose de defin kerdîy.
Rixmo ke 4 serrîy derbas bîye zî, heta nika tenû 21 cenazey ameye teslîmkerdene.
264 cenazey hama zî teslîmê keyeyî înan nêameye kerdene.
Keyeyî seba girewtişê cenazeyanê şehîdanê xo, xoverdayîşî xo domnenê.
ZEXTÊ DEWLETE YÊ VERVA KEYEYÊ ŞEHÎDAN
7 CENAZEYÊ GERÎLLAYAN NÊWEŞXANEYA ŞIRNEXE DE YENÊ VINDARNAYÎŞ
Perro bîn de, dewleta tirke cenazeyê gerîllayan ke herêma Besta, di şerrî verva îşgalkeran de şehîd bîy, teslîmê keyeyî nêkenê.
Di şerrî herêma Besta de, 8 gerîllayê HPG şehîd bîu.
Cenazeyê şehîdan 11’ê Adare ra naheta Nêweşxaneya Dewlete ya Şirnexe de yenê vindarnayîş.
Keyeyê şehîd Zeyney Dayan verîya çend rocîy hetê keyêyî ra amî definkerdene.
La belê 7 cenazyê hama zî morga Nêweşxaneya Dewlete ya Şirnexe de yê.
