Hêzên Taybet ên Hêzên Ewlekariya Hundirîn bi operasyoneke ewlehiyê li herêma El-Şeîfe ya li rojhilatê Dêra Zorê, serçeteyekî payebilind ê DAIŞ`ê girt.
Hêzên Sûriya Demokratîk (QSD) li ser hesabê xwe yê fermî yê Twitterê agahiyên li ser operasyonê parve kirin û destnîşan kir ku Hêzên Taybet ên Hêzên Ewlekariya Hundirîn (HAT) li herêma El-Şeîfe ya Dêrazorê bi destekdayîna Koalîsyona Navneteweyî ji hewa ve, operasyonek pêk aniye.
Di operasyonê de serçeteyekî payebilind ê DAÎŞ`ê ku endamên şaneyan bi çek dikirin, karên wan hêsan û planên bûyerên kuştinê çêdikirin, hatiye girtin.
