Gerîllaya YJA-Star’e Dersim Barane dîyar kerd ke, êy do cevab bidê heme êrîşê ke Kurdistanî de pêk yenê û ney vatîy;
“Zê YJA-Stare, seba ke vernîye ro îşgalkerîye bigerê, ma hedreyê ke wezîfeyê xo bîyarê ca.
Ewro di Hemleya Şoreşgere ya Bazanê Zagrosan de, xoverdêrîyeke qehremanî yeno kerdene.
Dişmen bi heme raybazê hove, êrîşê qadê gerîlla kerd.
Gerîllayê YJA-Star û HPG zî bi taktîk û raybazê newîye, her cayî de derrbey ro dişmênî danê. ”
Dersime bale ante yewîtîya Kurdan ser û vat:
“Verva dişmenê, gere kurdîy her 4 beşanê Kurdistanî bibê yew.
Wextêko yew beş werişt ra lingan ser, nêbeno ke beşanê bînî bêveng bimanê.
Bi hezaran ciwanê kurd ewro ney koyan de, seva rayvertî û şarê xo canê xo feda kenê.
Gere şarê ma na raştîye biveynê û paştîye bidê gerîlla û wayîr ro xoverderîye bivecîye. ”
HEMLEYA ŞOREŞGERE YA BAZANÊ ZAGROSAN
NÛCAN HEQÎ: XOVERDÊRÎYA GERÎLLAYAN TEKNÎKÊ ÎŞGALKERAN TÊK BENA
Gerîllaya YJA-Star Nûcan Heqî zî derheqê moralê gerîllayan de qisey kerd û vat:
“Ma bi felsefeya Rayver Apoyî tekoşîn kenê.
Dişmên di şerrî de bawerîya xo bi teknîka xo ana. La xoverderîya gerîlla na teknîka înan têk benê.
Artêşa tirke wina tersonaka, wexto ke Mamreşo de nêşikay vîna rayhevalanê ma bişiknê, çekê kimyewî bikar ardîy.
Ma fedayîye Rayver Apo û şarê xo yê û ma do heta peynî tekoşîn bikerê. ”
HEMLEYA ŞOREŞGERE YA BAZANÊ ZAGROSAN
NÛJÎYAN SPERTÎ: XOVERDÊRÎYA MAMREŞOYE MORELÊ MA GEŞ KERD Û HÊZE DA MA
Gerîllaya YJA-Stare Nujîyan Spêrtî zî ney ardîy ziwan:
“Artêşa tirke serragêrayîya qirkerdişê ermenîyan de êrîş day dest pê kerdene.
No tesaduf nîyo. Êy waznê şaro kurd zî qirbikerê. La raştê xoverderîya destanî ya rayhevalanê ma amey.
Dişmen propaganda kerd û vat, ey di şerrê Mamreşo de biserkewtê.
La ma zanenê ke senîn têk sîy. Xoverderîya Mamreşo moralê ma geş kerd û quwet da ma. ”
Nujîyane di peynîye de bale ante vatişê şehîd Qasim Engîn ya “Ma bimrê zî ma do mêtîngeran rê bibê kabûs” ser û vat:
“Senîn ke dişmên nêverdeno kurdî axa xo ser azad bivuwîyo, ma zî do înan cuwîyeye bikerê jehr. ”
