Gerîlayî vera hêrişê îşxal û îmhayî yê dewleta tirke xover danê.
Îqtîdarê AKP-MHPyî yo faşîsto ke nêeşkeno vera gerîlayan aver şiro, gazê kîmyewîyî şuxulneno.
Gerîlayê HPGyî Canşer Botanî derheqê hamleyê Bazanê Zagrosî û Cengê Xabûrî ANFyî rê qisey kerd.
Gerîlla Canşêr ard ziwan ke têgêrayîşê îşxalî yê dişmenî, semedê îşxalkerdişê Başûrê Kurdîstanî yeno kerdene û vat:
”Dişmenî ke têgêrayîşê vera herêma Gare de raştê xoverdayîşê bêhempayî ey gerîllayan amey, gazê kîmyewîyî şuxulna.
Dişmeno ke eyaletanê ma yê Avaşîn, Zap û Metîna de netîce nêgeno xeylêk waran de reyna sûcê şerî kerd û gazê kîmyewîyî şuxulna.
Dişmenî heta nika zaf rayheval û şarê ma pê gazî şehîd kerdî.
Dewleta tirke qaydanê şerê mîyanneteweyî binpay kena.
Ma zî pê terz û taktîkane gerîlayanê neweyan heme teknîkê dişmenî pûç vejenê.”
XOVERDÊRÎYA DESTANÎ YA GERÎLLAYAN
GERÎLLA CANŞÊR BOTAN:”MA HEME MEWZÎYAN DE ÊRÎŞAN RÊ HEDRE YÊ”
Canşêr Botanî derheqê xoverdayîşê gerîlayan ê vera hêrişê îşxalî de nê vatî:
”Ma embazanê xo yê ke Metîna, Avaşîn û Zap de şer kenê selam kenê.
Heta nika dişmen hema cesaret nêkerdo ke bikewê qet yew şkeftê ma.
Heme cayan de ke dişmenî waşto tede xo ca bikero, pê taktîkanê neweyan ma peyser qeldayî.
Hemrayê ma bi ruhê Şoreşan mewzîyan de şer kenê û ma do bi nê ruhî ser bikewê.
Nika me heme mewzîyanê xo de vera pêro êrişanê dişmenî amade yê.”
Gerîla Canşer Botanî peynî de no mesaj da:
‘‘Ma bi ruhê xoverdayîşî yê Şoroşen amede yê.
Ma pêro gerîlayî, pabesteyê yewbînan ê.
Her serkewtiş, heme gerîlayan ser o tesîr keno.
Ma do çirey destûr nêdo dişmen bikewo waranê ma.
Ça beno wa bibo, hem tîya de hem waranê ke ma do şirê ci ma do her ca de bi stratejîya newîye têoşînê pîlî bidê.”
