Li Bakur-Rojhilatê Sûriyê Pêngava “Dem Dema Azadiyê ye” bi xurtî bi rê ve diçe.
Di çalakiyan de êrîş û dagirkeriya dewleta tikr jî hat protstokirin.
Pêkhateyên herêmê Helebê li dijî tecrîdkirina Rêber Apo, êrîş û dagirkeriya dewleta Tirk daketin qadan.
Meş bi pêşengiya Meclîsa Giştî ya taxa Şêx Meqsûd û Eşrefiyê li pêşiya jêrzemîna Yasîn dest pê kir û heta Parka Istîqamê berdewam kir.
Di axaftinan de hate gotin ku Dem dema Azadiya rêber Apo, Dem dema bilindkirina asta têkoşînê û piştgiriya berxwedana Îmraliyê ye.
Şêniyên Herêma Reqayê jî bi meşeke girseyî êrîş û dagirkeriya dewleta Tirk şermezar kirin.
Meş ji Şaredariya Selhebiyê ya rojavayê bajarê Reqayê dest pê kir û li naverasta bajarok veguhirî mitingê.
Di axaftinan de tecrîdkirina rêber Apo, êrîş û dagirkeriya dewleta tirk şermezar kirin.
Li bajarê Qamişloyê, Tevgera Xwendekarên Demokratîk bi mitingekê piştgirî dan pêngava KCK’ê.
Piştî axaftinan Rêzgirtinê endama rêveber a Tevgera Xwendekarên Demokratîk Ronahî Ehmed axivî.
Piştî axaftinan Koma Stêra Zêrîn, Koma Şehîd Rojbîn û Koma Botan hunera xwe pêşkêş kirin.
Esnaf û Karkerên Wargeha Şehîd Rustem Cûdî Mexmûr’ê jî bi belavkirina, belavukan piştgirî dan pêngava ‘Dem dema azadî ye’.