Fermandarîya Metîna ya HPG, derheqê rewşe de eşkerayîyêke bi raya pêroyî reyde barre kerde.
Eşkerayîya bi serikê ” Şarê Kurdistanî û Raya Pêroyî rê”, de nêy amey vatene.
Hêzanê PDK na siba seeta dormeyê 04’î de 2 milan ra, ke her milî de 50 wesayîtê şerrî û xeylê hêzêy çekdarîy est bîy,verva gêrîllayan êrîş da destpêkerdene.
Êrîş ver bi mentîkayanê stratejîkan êy, Giranê Çarçel û Hekkarî pêk ame.
Rixmo ke hêzanê ma heşîyarî da zî, hêzanê PDK, averşîyişê xo yê êrîşî domna.
Cayêy ke yenê behskerdişî de tu wargehêke çîn ya û 25 serrîy o pêşmergey nêkewenê a hereme.
Reyna herme verva îşgalkerîya dewleta tirke ameya mayinkerdene.
FERMANDARÎYA QADA METÎNA:
“KESANÊY KE ÇEKDARÎY ŞIRAWITÎY HEREME, ENCAME RA VERPERSÎYAR Ê”
Rixmo ke nêy heme hetê PDK ra yenê zanayişî zî, êrîş ameyo domnayiş û bi sebebo ke nîno zanayişî 1-2 teqayişî pêk ameyê û tay kesan cuwîyeyê xo vînî kerdo.
Nêy cuwîyevînîkerdişan ra hêzê ma nê, kesanêy ke sewqîyato eskerî şirawito hereme, verpersîyar ê.
Gêrîllayê ma verva êrîşanê îşgalkerîye êy dewleta tirke 43 rocîy o bi xoverdêrîyêka tarîxî, şerr kenê.
Têgêrayişêko winayin yê PDK, tenê xizmetê hêzêy îşgalkeran keno.
Reyna yeno mehneyê pey ra derrbkerdişê gêrîllayan.
Verva nêy heme kerdeneyan reyna zî gêrîllayanê ma hêzê PDK, nêkerdê hedef.
Bi sebebê xetayanê xo an zî provakasîyonê dişmenî, hêzanê PDK ra vîndîbîyişîy virazîyayê.
Badê naye zî hêzanê PDK pozîsyonê şerrî girewto û nika zî na rewşe dewam kena.
Ma zê HPG nêwazenê bi PDK reyde şerr bikerê bibê perçeyêkê şerrê xomîyanî.
Bi no sebeb ma PDK ra vanê, na helwesta xo ra fek vera bide.
Reyna ma di serre de şarê Behdînan,ma veng ro heme şarê Kurdî, hêzanê sîyasîyan, roşinvîr û hunermendan kenê ke, vernîye ro ney talûkeyî bigerê û verpersîyarîya xo bi ca bîyarê.
