Sterk TV – Zindi, Canli, Live, Kurdî, Kurmancî, Soranî, Zazakî, Dimilkî, Hewramanî, Kurdistan
Nûçeyên Dawî

Fermandarê Pêsmergeyan Qadir Xoranî: “Êrîşê verva pêsmergeyan de teyareyê F-16 yan zî SÎHA ame bikarardene”

 

5’ê Hezîrane de PDK konvoyêka eskerî ver bi herêma Metîna şirawite.

Wextoke na hêze bi desan wesayîtanê zirxîn derbase qadê gerîlla bi, teqiyayîşêko pîl pêk ame.

5 pêşmergeyan cuwîyeye xo vînî kerd û 4 zî bi giranî dirbetin bîy.

HPG derheqê mijare de eşkerayîyeke barre kerd û vat:

“Mijara teqayîşê di na wesayîte de, gere heyetêke hembarre ya zî xosere şêra hereme û derheqê qewimyayîşî de cigêrayîş bikera.”

Fermandaranê Pêşmergeyan ra Qadir Xoranî, ke di bin sîwana Wezareta Pêşmergeyan de kar keno zî derheqê mijare de, hesabê xo ya Facebookî sero eşkerayîyek barre kerde.

Qadir Xoranî, ke di wareyê eskerî de wayîr ezmûnan û pispor o, derheqê teqayîşî de ney vatîy:

“Ti şopêka guleyan wesayîte sero çin yê.

Heke bi mûşekan zî êrîş pêk biameyênê kerdene se, gere her 4 tekerlekê wesayîte zî biteqîyayêne.

La çîyoke winayin çin yo.

Bi goreye qiseykerdişanê pêşmergeyanê dirbetinî zî, şerr nêqewimyayo.

Ezmanî ra êrîş pêk ameyo.

Bi goreye wêneyanê wesayîte zî dîyar beno ke, wesayît hetê teyyarayan ra ameya bombevarankerdene.”

Fermandarê Pêşmergeyan, bê ke nameyêke bido ard ziwan ke, “hêzêka terorîst” ya wayîr teyyarayê şerrş no êrîş pêk ardo û wina vat:

“Bi goreye min, ney kerdeneyê terorîstî, ya bi teyyaraya F-16’yan û yan zî bi SÎHA’yan, hetê hêzeka terorîste ra verva pêşmergeyanê Kurdistanî amî pêkardene.

Ney êrîşîy plankerdeyê û bo mexsedê xorînkerdişê şerrê maberê Kurdan û wêrankerdişê Herêma Kurdistanî yê.”

SEWQÎYAT Û TEQAYÎŞÊ HERÊME METÎNA DE
“PDK DERHEQÊ TÊGÊRAYÎŞÊ XO DE AGAHÎ DAYO ARTÊŞA TIRKE”

Derheqê heman mijare, çimeyêke pêbawerî zî nêy agahîy day ajansa Rojnewse.

Hêzêy Pêşmergeyan verîya ke şêrê herêma Metîna, bi rayedaranê dewleta tirke ya îşgalkere reyde, baregehanê Amedîye û Bamerne de qisey kerd.

Rayedaranê Pêşmergeyan artêşa îşgalkere rê vat, ey do şêrê herême û bendêke awan bikerê.

Û detayê cayanêy ke do êy şêrê zî, artêşa îşgalkere reyde barre kerdîy.

Pêdêyîşî ra dima zî hêzê Pêşmergeyan ver bi herême şîy.

Wextoke nêzdî qadê gerîlla bîy zî, teyyarayêke bêrmerdimî SÎHA, yan zî Dronêkê artêşa tirke ro wesayîta pêşmergeyan da.

Çimeyo ke nêwaşt nameye xo eşkera bikero, wina dewam kerd.

“Na agahî hetê pêşmergêyekê ke di êrîşî de dirbetin biyo ra zî ameya paştraştkerdene.

Artêşa tirke waşt bi ney êrîşî, maberê hêzanê Kurdan de fîtne û provakasîyon biveco.

Na Vaşûre de hetê her kesî ra yena zanayene la desthilata herême bi ti awayî nêverdena ke na raştîye bêro vilakerdene û zanayene. ”

 

Ev jî hatin dîtin

Kêliyên krîtîk ên Komploya 9’ê Cotmehê -I

Stêrk Tv

Kalkan: Pêşî li 15’ê Sibatê dikarîbû bihata girtin

Stêrk Tv

Komîteya KJK’ê: Wê nekaribin pêşî li şoreşa jinan bigirin

Stêrk Tv

Gelo OPCW li hemberî Kurdan e?

Stêrk Tv

Qirkirina jinan

Stêrk Tv

Ji Zagrosan awazek tê

Stêrk Tv