Federasîyona Demokratîke ya Elewîyan maberê 17 û 18’ê Nîsane de konferansêke ro dar viste.
Konferanse bi şîarê ” Ma rayire û erjanê rayire ferasetê asîmîlasyonîstîy ê netewdewlete ra xelesnenê”, onlîne ser ra amî pêkardene.
Kurdistan, Tirkîya û Ewropa ra nûştox,sîyasetmedar, parlamenter, temsîlkarê sazîyan û akademîsyenîy tewrê konferanse bîy.
Nûştox û akademîsyene Dilşa Denîze di qiseykerdişê xo de nêy vatîy.
Dewlete bi awayê cîddî mudaxleyê elewîtîye kena.
Û di ney mudaxeleyî de mexsed asîmîlasîyon o.
Ney mudaxeleyî Keyeyanê Cemî û tay kesayetenê Ocaxan ser ra kenê.
Hemserokê şûbeya DAD e yê Adana Zeynel Keteyî zî nêy ardîy ziwan.
Fikir û bawerî xo pergalêka erjan sero awan kenê.
Her çekûye û vateyêke ma benê cografîyayêke.
Bi no sebeb çekûy û vatekîy bê zeman û mekan nêbenê.
Çekûy û vatekî senî ke raştîye anê ziwan wina şikenê serê raştîyan bigerê zî.
Bi no sebeb serdestîy tim wazenê seba asîmîlekerdişî çekû û vatekan verapey bikerê.
Parlamenterê HDP Alî Kenanoglûyî zî wina vat;
Gama ke çime û kan xoza bê heme bawerîy wayir tay zêypêyîyan ê.
Nika Êzîdî vanê, Elewîy di eslê xo xe Êzîdî yê.
Raşta gama ke şima wina biawnê wina ya.
La gama ke şima bi çimê şamanîstêke zî biawnê ma şamanîst ê.
Yanê nêy çîyê normal ê û esasê xo xoza ra genê.
Cewabê persê elewîtîye cî ya? Heqîtet a.
Heme çîyê raştîy elewîtîye ya.
