ESKERÊN TIRK LI FARQÎNÊ AVÊTIN SER KONÊ SERSAXIYÊ
GEF LI GUNDIYA XWARIN Û CEZAYÊ PERE LI WAN BIRÎN
Malbata gerîlaya YJA-Starê Şehnaz Okşamak li gundê Mîreliya yê navçeya Farqînê ya Amedê malbatê konê sersaxiyê danî.
Ji bo sersaxiyê li qadeke vekirî kursî hate danîn û bi vî rengî serdan hatin qebûlkirin.
Lê di 20’ê Nîsanê de eskerên Tirk avêtin ser konê sersaxiyê.
Leşker bi wesayitên zirxî ketin nava taxê û îfadeya welatiya girtin.
Li gorî agahiyan eskeran heqaret li ferdên malbatê kir.
Fermandarê qereqolê gef li gundiya xwariye.
Eskeran piştre kursî kom kirin, xistin qemyonekê û birin qereqolê.
Piştî bûyerê eskeran ji qereqolê bangî 5 kesan kirin da ku werin îfadeya xwe bidin.
Gerîlaya YJA-Starê Şehnaz Okşamak a bi nasnav Mizgin Cigerxwin 25’ê Îlona 2020’î di encama bombebarana balafirên tirk de şehîd bûbû.