Endama Konseya Serokatîya Pêroyî ya KCK’yî Elîf Ronahî tewrê bernameya taybet ya Medya Haber TV bî.
Elîf Ronahî di vernî de bale ante hemleya “wext wexto azadîye yo” ser û destnîşan kerd ke, na hemle xoverderîyeka zaf hetî ya û vat;
“Gere ba bivînê ke bi raştî zî na hemle serkewtişêke pîl bidest vista. La belê di asta ke azadîya fîzîkî ya Rayvertîye mîsoger kerde de nîya.
Gere na hemle heme hetan ra bêra xurtkerdene.”
ENDAMA KONSEYA SEROKATÎYA PÊROYÎ YA KCK’YE ELÎF RONAHÎ:
“DEWLETA TIRKE BI XOVERDERÎYA GERÎLLAYAN, AMEYA ASTA RIJÎYAYIŞÎ”
Elîf Ronahî derheqê êrîşê îşgalkerîye ey dewleta tirke yo verva Herêmanê Pawiteyan êy Medya de ney ardîy ziwan:
Di çarçoveya ‘Plana Têkberdişî’, ke dewleta tirke serra 2014’ine de vist merîyete, verva şarê ma û gerîlla êrişêke verhîrayî dest pê kerd.
Bêgûman, bi bedêlê giranan, ma şerroke giran da.
La dişmên nêşika plana xo pêk bîyaro û bi ser nêkewt.
Elîf Ronahî da zanayene ke, dewleta tirke ke nêşikena verva xoverderîya gerîllayan bivindero, humara kişteyanê xo lumnenê û vat:
Her roce gerîllay 9-10 esker û çeteyan kişenê.
Heta nika gerîllayî bi kamerayanê xo 50-60 eskerîy, tesbît kerdîy.
Gelo dewleta tirke heta nika nînan ra çend, qebûl kerdê?
Dewleta tirke verva xoverderîya gerîllayan, rijîyaya.
Derheqê çalakîya Hêzê Pawitişê Hewayî ya Şehdî Delal Amed ya verva balafirgeha Amede de zî Elîf Ronahî ney vatîy:
Qada hewayî ya Amede, seba aşmêke amî padayene.
Na zî seba ke xesare û vîndîbîyeyanê xo bilumnê, kerde.
Bêguman şerrê gerîllayî, moral û hêz da şarê ma û bi sebeb ke, ciwanîy tewrê refan bibê.
Gere ma naye bivînê: Xoverderîya gerîllayî û derrbey ke ro dişmenî deyenê, zaf pîl ê.
ENDAMA KONSEYA SEROKATÎYA PÊROYÎ YA KCK’YE ELÎF RONAHÎ:
“SERKEWTIN DO BI ŞERRÊ ŞARÊ ŞOREŞGERÎ, MÎSOGER BIBO”
Endama Konseya Serokatîya Pêroyî ya KCK’yî Elîf Ronahî di peynî de dîyar kerd ke, dewleta tirke hetê exlaqî ra wazenê civaka kurde têk berê û şarê kurdî rê na vengdan kerd:
Gere şarê ma, her cayî de bi raybazanê cîyayan, tekoşîna xo bidomno.
Heke şarê ma, bi verpersîyarî Şerrê Şarê Şoreşgerî rayire ra bero, do serkewtin teqez bibo.
Zey têgêrayîş û gerîllayî, ma do heta peynî tekoşîne bikerê.
Ez bawer kena ke, do şarê ma zî bikewo mîyanê tekoşînêka pîlêrî.
Destê kamî ra çi yeno, gere bikero. Nika firsendêy pîlî di destê ma de yê.
