Endamê Komîteya Rayirbere ya PKK yî Dûran Kalkanî, di bernameyê taybetî yê Medya Habere de tecrîd û pergala Îmralî sero vindert.
Kalkanî vat;
Dîyar o, înan êy ke pergala tecrîdî ya Îmralî awan kerda, domnayişê na pergala tebermerdimayîye de bi îsrar ê.
Êy ke behsê hiqûq û edaletî kenê wexto ke mijare bena Îmralî bêveng manenê.
ENDAMÊ KOMÎTEYA RAYIRBERE YA PKK’YÎ DÛRAN KALKAN:
“MEHKEMAYA HEQANÊ MERDIMAN ÇI RA VERVA CEZAYA DÎSÎPLÎNÎ BÊVENG A?”
Kalkanî vatiş ard “nexşerayira” ke Rayver Apoyî serra 2009’ine xe şirawitebî Mehkemaya Heqanê Merdima ya Ewrop ser û nêy vatîy.
Rayver Apoyî di na nexşerayire de, hêza Têgêrayişê Azadîye ya di çareserîya heme persgirayanê civatî de, ardebî ziwan.
Na nexşerayire, çîyêko lûmite nêbî û zê beşêka pawitnameyî, bi agahîya îqtîdarê AKP, amebî şirawitene.
O wext zî AKP îqtîdar û Tayîp Erdogan zî est bi û ewro zî dewam keno.
Nika weriştê badê 12 serran, nînan zê hincetan nîşan danê û cezaya dîsîplînî ro Rayver Apoyî birrnenê.
Mehkemaya Heqanê Merdiman, ke xo zê sazîya hiqûqî ya tewir pîle ya cîhanî bi name kena, zî nêvana tu nêşikenê bi ney sebebî ceza bidê.
ENDAMÊ KOMÎTEYA RAYIRBERE YA PKK’YÎ DÛRAN KALKAN:
“CPT YA KE XO ZÊ VILAKERA EDALETÎ BI NAME KENA, MIJARA ÎMRALÎYÎ DE BÊVENG A”
Dûran Kalkanî derheqê rolê CPT yê di pergala Îmralîyî de zî nêy vatîy.
CPT, ke qaşo xo zê sazîyêka vilakera edaletî bi name kena, di mijara Îmralî de bêveng a.
Îşkenceyêko eşkera est o.
Seba ke Mehkemaya Heqanê Merdiman de pawitişê xo kerdo, ro Rayver Apoyî cezaya dîsîplînî ameya birrnayene.
Na çendêke hiqûqî ya û çira verva naye, bêveng yeno mendiş?.
Na helweste nîşan dana ke, di awankerdişê Pergala Îmralî de, CPT zî est a.
Îtîya de hiqûq nê, bi awayêko eşkera rehîngirewtiş, est o.
Dûran Kalkanî derheqê sebebanê zextan êy ro ser Rayver Apoyî zî nêy vatîy..
Rayver Apo, tekoşîna azadîya şarê Kurdî û Şaranê hereme dano û rayverê şarêke yo.
Wazenê na doze û tekoşîna xo ra, fek vera bido.
Mexsedê peragala tecrîd û îşkenceyî yê Îmralî, no yo.
Sazîyê Ewropa, raporanê Komeleya Heqanê Merdiman nê, qeraranê pergala faşîste ya AKP-MHP,ke wazena şarê Kurdî qir bikero, esas genê.
Îtîya de edalet û hiqûq kam cayî de yê?
Endamê Komîteya Rayirbere ya PKK’yî Dûran Kalkanî derheqê Hemleya “Wext wextê Azadîye yo” de zî nêy vatîy.
Nika wext wextê berzkerdişê tekoşîne yo.
Çareserî tenê bi tekoşîne pêk yena û tekoşîne nîna nîqaşkerdene.
Bi tena serreyê xo “yewîtî”, tu çîyêke îfade nêkena.
Yewîtî, tifaq û têkilî, seba zafêrî berzkerdişê tekoşîne yenê pêkardene.
Seba ke faşîzm êrîşêko topyekûn o gere verva naye tekoşîne zî topyekûne bo.
Ya ke bêro kerdiş na ya.
