Endamê Komîteya Rayirbere yê PKK yî Dûran Kalkanî di qiseykerdişê xo yê Tv Medya Habere de, rewşa Vaşûrê Kurdistanî û êrîşanê verva Şengale sero vindert.
Kalkanî vat;
Îraq bi awayêko zaf ercan nizdê mijara Şengale beno.
Gere Şengale bi sebebê bawerî û nasnameyê xo yê netewî, xosere bo.
ENDAMÊ KOMÎTEYA RAYIRBERE YA PKK’YÎ DÛRAN KALKAN:
“BI SÎXURTÎYE VAŞÛRÊ KURDISTANÎ DE NÊÇÎRÊ MERDIMAN YENO KERDENE”
Endamê Komîteya Rayirbere ya PKK yî Dûran Kalkanî di bernameyê Taybetî yê Medya Habere de,rewşa peyêne ya Vaşûrê Kurdistanî û Peymana Şengale ya maberê PDK, Bexda û dewleta Tirke sero zî vindert.
Kalkanî vat; bi xebatanê sîxurtîye dewleta Tirke Vaşûrê Kurdistanî de nêçîrê merdiman kena û hikumatê hereme zî paştîye dano ney nêçîrî û wina dewam kerd.
Yeno zanayiş Vaşûrê Kurdistanî û Tirkîya, seba ke di mîyanê ciwanan û cînîyan de sîxurtîye aver bifînê, çi destê înan ra ame kerd.
Na rewşe Vaşûrê Kurdistanî de nêçîrê merdiman, vet orte.
Xeylê rayhevalê ma, di peynîya nêy birayvistinkerdişanê MÎT’î û hemkaranê înan de, şehîd bîy.
Gere şarê ma yê Vaşûrî naye baş bizano û êy kesan nizdê xo, nêkero.
Gelo qet wijdan û welatpawêrîye, nêmendê.
Seba tasêke şorbike şikenê êy mîlîtananê ke canê xo seba azadîye bexş kerdo, biroşê dişmenî.
Gere rayire nêdeyo nêy kesan ke, mîyanê civatî de bicuwîyê.
ENDAMÊ KOMÎTEYA RAYIRBERE YA PKK’YÎ DÛRAN KALKAN:
“GERE HEM BAWERÎ Û HEM ZÎ NASNAMEYO NETEWÎ YÊ ŞENGALE XO SER BO”
Dûran Kalkanî derheqê rewşa Şengale de zî qisey kerd û qerarê Meclîsa Xosere ya Şengele yê xoverdêrîye silam kerde.
Ma rewşa hereme nizdî ra şopnenê.
Ya raşte helwesta Îraqî ya di na mijare de, nîna fehmkerdiş.
Rewşa pratîke Îraqî orteyî de ya; Xoserîye dana perrêy cîyayan û xeylê xoserîyan ra pêk yena.
Nika Silêmanî, Hewlêr û Dihoke de, xoserîya Kurdan est a.
Gelo çi ra Şengala ke kurd a de zî, na xoserîye nîna qebûlkerdene?.
Gelo qanûnê Îraqî her cayî de bi heman awayî, nîyê?.
Şengale kurd a û cîyayîyêka aye ya olî zî est a.
Seba naye, hewceyî bi cuwîyeyêkê xoser û azadî est a.
Civatêko ke bi 73 fermanan reyde ribiri mendo, meydan de yo.
ENDAMÊ KOMÎTEYA RAYIRBERE YA PKK’YÎ DÛRAN KALKAN:
“GERE ÎRAQ, BI FERASETÊKO ERCAN NIZDÊ PERSGIRAYA ŞENGALE NÊBO”
Endamê Komîteya Rayirbere ya PKK yî Dûran Kalkanî, derheqê nizdbîyişanê hikumatê Îraqî de nêy heşîyarîy kerdîy.
Vanê verva ma gefê dewleta Tirke, est ê.
Başo, ti zî verva êy gevan helweste nîşan bide.
Tu heq û hiqûqêke çîn yo ke, dewleta tirke ro to gefan biwano.
Wexto ke Şengale pawitê, rayirberîya Bexda vatê “PKK yî rûmetê merdimayîye xelsna”.
Gelo, gere no rûmet nêro pawitiş, rûmet şi kotî?.
Gere Îraq wina bi ercanî nizdê Şengale nêbo û êy rûmetî bipawo.
