Sterk TV – Zindi, Canli, Live, Kurdî, Kurmancî, Soranî, Zazakî, Dimilkî, Hewramanî, Kurdistan
Nûçeyên Dawî

Duran Kalkan derheqê azadîya Rayver Apoyî de qisey kerd 23.01.2021

 

Kampanîya û Xebatêy mîyanetewî êy seba Azadîya Rayver Apoyî verhîra benê.

Endamê Komîteya Rayirbere ya PKK yî Dûran Kalkanî di bernameyê Taybetî yê Medya Habere de mijare sero qisey kerd.

Kalkanî bale ante ro ser muhîmîya paştîdayişê raya pêroyî ya cîhanî ser.

ENDAMÊ KOMÎTEYA RAYIRBERE YA PKK’YÎ DÛRAN KALKAN:
SENDÎKAYÊ ÎNGÎLÎZ Û AFRÎKAYA VAŞÛRÎ SEBA ÇARESERÎYE AZADÎYA RAYVER APOYÎ WAZENÊ

Endamê Komîteya Rayirbere ya PKK yî Dûran Kalkan tewrê bernameyê Taybetî yê TV. Medya Habere bi û mijaranê rojdeme sero qisey kerd.
Dûran kalQan,hemleya”Wext wextê Azadîye yo”,sero vindert û bale ante xebatanê sendîkayanê Îngilîstan û Afrîkaya Vaşûrî ser.

Kalkanî vat;
Wazenê ke Rayver Apo, bi awayêko fîzîkî azad bibo.

Wayir tecrubeyî yê û vanê ” Êdî wext ameyo”.

Seba ke persgiraya kurde bêro çareserkerdene, Rochelatê Mîyanênî de çareserîyêke peyda bibo û hereme de aştîye hakim bibo, hewceyî bi Azadîya Rayver Apoyî, vînenê.

ENDAMÊ KOMÎTEYA RAYIRBERE YA PKK’YÎ DÛRAN KALKAN:
ÊRIŞÊY VERVA RAYVER APO Û PKK’YÎ, ÊRÎŞÊ VERVA HEME MERDIMAYÎYE YÊ

Dûran Kalkanî di qiseykerdişê xo de bale ante plananê hêzêy hegemonan êy bi mexsedê çinêkerdişê Rayver Apoyî û PKK’yî ser û vat;
“Nêy êrîşîy, êrîşê verva heme merdimayîye yê” û wina dewam kerd.

Di raştîye de nêy êrîşêy verva Rayver Apoyî û PKK’yî, êrîşê verva heme têgêrayişê sosyalîstan ê zî.

Êrîşê verva hêzêy Şoreşger û demokratan ê.

Êrîşê verva cuwîyeyê hembarî yê demokratîk, azad û zeypêyîya merdimayîye yê.

Seba naye, heme têgêrayişîy nêy êrîşan, zê êrîşanê verva xo vînenê.

ENDAMÊ KOMÎTEYA RAYIRBERE YA PKK’YÎ DÛRAN KALKAN:
HEMLEYA KCK HEME HÎVÎYÊ AKP-MHP TÊK BERDÎY

Endamê Komîteya Rayirbere ya PKK’yî, Dûran Kalkanî vatiş ard Hemleya KCK ser û wina dewam kerd.

Hemleye, vervecîyayişêko pîle bî û heme hîvîyê faşîzmê AKP-MHP, têk berdîy.

Şikîyayişêkê pîlî yê xomîyanî ra, zaf tersenê.

Bêguman, rol û tesîrê hemleye pîl o.

Do çalakîyê zafêrî xurtîy bêrê avervistiş û xora gere wina bo zî.

ENDAMÊ KOMÎTEYA RAYIRBERE YA PKK’YÎ DÛRAN KALKAN:
PDK OMÛDÊ XO BI AKP/MHP REYDE GIRE DABI LA ÊY KOYÊ OMÛDÎ WEŞAYAY

Mijarêka bîne ke Dûran Kalkan sero vindert zî, hemkarîya PDK ya bi îqtîdarê faşîstî yê AKP-MHP, reyde bî.

PDK hîvîyêka pîle, îqtîdarê faşîstî yê AKP-MHP ra kerdê.

La nêy koyê hêvîye, yew bi yew weşayay.

Dewleta tirke zafêrî PDK kerde teref û PDK zî zafêrî, teşhîr bî.

PDK, hema zî bi goreyê hêzanê teberînan têgeyrena û verva PKK’yî, di pozîsyona şerrî de ya.

ENDAMÊ KOMÎTEYA RAYIRBERE YA PKK’YÎ DÛRAN KALKAN:
HEMLEYA MA ŞIKENA VERVA KOMPLOYA 15’Ê SIBATE BI SER BIKEWO

Endamê Komîteya Rayirbere ya PKK yî Dûran Kalkanî tewir peynî bale ante tekoşîna ke yena dayişî ser û nêy ardîy ziwan.

Ma tekoşînêka pîle danê ramitene û destkewteyanê tarîxîyan bi dest fînenê.

Ya ke têk şêro zî do feraseto apeymende û faşîzm bê.

Hemleya ma şikena verva komploye bi ser bikewo.

Gere her kes bi goreyê naye xo hedre bikero.

Ev jî hatin dîtin

Kêliyên krîtîk ên Komploya 9’ê Cotmehê -I

Stêrk Tv

Kalkan: Pêşî li 15’ê Sibatê dikarîbû bihata girtin

Stêrk Tv

Komîteya KJK’ê: Wê nekaribin pêşî li şoreşa jinan bigirin

Stêrk Tv

Gelo OPCW li hemberî Kurdan e?

Stêrk Tv

Qirkirina jinan

Stêrk Tv

Ji Zagrosan awazek tê

Stêrk Tv