Sterk TV – Zindi, Canli, Live, Kurdî, Kurmancî, Soranî, Zazakî, Dimilkî, Hewramanî, Kurdistan
Nûçeyên Dawî

Dr. Faîq Gulpî: Helwesta PDK nîna qebulkerdene û do zirareko pîl bido şaro Kurdî

 

Nêrazîbîyişê verva êrîşanê îşgalî êy dewleta tirke û hetkarîya PDK ya nêy êrîşan zêdîyenê.

Sîyasetmedar Dr. Faîq Gulpî derheqê êrîşanê îşgalî êy dewleta tirke û helwesta PDK de, ANF rê qisey kerd.

Gulpîyî vat; PDK, bi tewleta tirke reyde mîyanê têkilîyê xorîyan de ya.

Vaşûrê Kurdistanî,hetê aborî û sîyasî ra teslîmê dewleta tirke kerdo.

Hemkarîya PDK ya bi dewleta tirke reyde, bi mexsedê têkberdişê şoreşa Vakûrî û tasfîyekerdişê PKK yî yo.

Bi no sebeb zî wazena heme hêzanê Vaşûrî û Iraqî, bi PKK yî reyde bido şerrkerdiş.

Şerrêko winayin do zirarêko pîl bido şarê Kurdî û heme destkewteyan çinê bikero.

Dewleta tirke tenê neyarê PKK’yî nê, neyarê heme şarê Kurdî ya û naye Rojava ra heta Rojhelat nîşan zî dana.

Îraq zî mîyan de xeylê dewlet û aktîvîstîy, duştverê polîtîkayanê dewleta tirke êy qirkerdişê şarê Kurdî yê.

La ecêb a,PDK di kişta nêy polîtîkayanê dewleta tirke de, ca gena.

Gere PDK na helwesta xo ya dişmentîya şarê Kurdî ra fek vera bido.

ROJNAMEWAN SHASWAR MAMÊ:
“HEKE PDK RIXMÊ NÊRAZÎBÎYIŞÊ ŞARÎ BIKEWO ŞERR, DO VÎNÎ BIKERO”

Rojnamewan Sahswar Mamê zî vat;

PDK bi serran o bi dewleta tirke reyde di mîyanê têkilîyan de ya.

Vaşûrê Kurdistanî de, destûrê awankerdişê bi desan baregeh û navendê MÎT’î êy dewleta tirke dayo.

Xora PDK na hemkarî û hetkarîya xo zî nêlûmnena û bi awayêko eşkera ana ziwan zî.

Mamêyî vat;

PKK, bi peymana serranê 90’î ke bi PDK û YNK reyde amebî viraştişî, Vaşûrî de yo.

La ewro eyseno ke PDK bi waşteka dewleta tirke, verva PKK yî qerarê şerrî dayo.

PDK wayir îradeyêke nîya û nêşikena teberê waştekanê tirkîya hereket bikero.

Verva PDK nêrazîbîyişêko pîl yê şarê Vaşûrî est o.

PDK seba domnayişê îqtîdarê xo, di mîyanê provakasîyonan de ya.

La PDK nêşikena şerr bikero û heke PDK bikewo şerrêkê xomîyanî do zaf pîl vîndî bikero û çinê bibo.

PARLAMENTERA ÎRAQÎ RÊZAN ŞÊX DILÊRE:
“DO ŞERRÊ KURD Û KURDAN TENÊ XIZMETÊ DIŞMENÎ BIKERO”

Parlamentera Îraqî Rêzan Şêx Dilêre zî nêrazîbîyiş nîşanê îşgalkerîya dewleta tirke û helwesta PDK da û nê vatîy.

Şarê Kurdî şerrê xomîyanî ra zaf zirar dîyo.

Şerrêkê maberê Kurdan do tenê xizmetê dişmenanê şarî Kurdî bikero.

Seba naye ma wazenê persgiray bi rayir dîyalogî bêrê çareserkerdene.

Rêzan Şêx Dilêre vat; Di parlamentoya Îraqî de komîsyonêka taybete ameya awankerdiş û do derheqê êrîşanê dewleta tirk êy verva Vaşûrî de cigêrayişan bikero.

Reyna seba ke Serokwezîr Mistefa Kazimî parlamento de rewşe sero qisey bikero, ma do îmzayan kom bikerê.

 

 

Ev jî hatin dîtin

Kêliyên krîtîk ên Komploya 9’ê Cotmehê -I

Stêrk Tv

Kalkan: Pêşî li 15’ê Sibatê dikarîbû bihata girtin

Stêrk Tv

Komîteya KJK’ê: Wê nekaribin pêşî li şoreşa jinan bigirin

Stêrk Tv

Gelo OPCW li hemberî Kurdan e?

Stêrk Tv

Qirkirina jinan

Stêrk Tv

Ji Zagrosan awazek tê

Stêrk Tv