Doza verva HDP ya bi nameyê Kobanê 26’ê Nîsane de yena dîyiş.
Bi goreyê neweya Rojnameya Duvar, EnternasyonalÊ Averkewteyî, seba baştîdayişê HDP, bi serikê HDP tenê nîya eşkerayîyêka paştîdayişî da.
Eşkerayî wina dest pê kena;
Di tirkîya de demokrasî yeno mehkemekerdiş û ma seba pawitişê demokrasî seferber benê.
Dewleta tirke hiqûqî verva sîyasetmedar, roşinvîr, nûştox û rocnamewanan zê ebûrkê zextan yeno bikarardene.
Enternsyonalê Averkewteyî ke kesayetê zê Naom Comsky, Yanîs Varufakîs û Bernîe Sander zî ca genê, ame vatiş; “HDP tenê nîya”.
Enternasyonalê Averkewteyî qerar da ke seba paştîdayişê HDP roca doze heyetêke bişirawê tirkîya.
Di eşkerayî de ame vatiş “seba şahidîya xoverdayişê tarîxî ya Komabnê ma şinê Enqera
Di heyete de Endamê Razeme ya Parlamentoya Polonya Macîej Konîeczny,
Muşavîrê hiqûqî yê Mera 25 yê Eva Empazî û Koordînatoro Pêroyî yê Enternasyonale David Adler do bêrê tirkîya.
Mexsedanê heyete ra yew paştîdayişê HDP û ya didiyine zî paştîdayişê xoverdêrîya tarîxî ya Kobanê û vilakerdişê na xoverdêrîye hemeyê cîhanî de yê.
Di eşkerayî de yeno vatiş di na doze de demokrasî yeno mehkemekerdene û pawitişê demokrasîyî verpersîyarîya tarîxî ya ma heminan a.
Doza verva HDP ya bi nameyê Kobanê di rojdema Parlamena Ewropa de ya.
34 Parlamenteranê Parlamena Ewropa zî waşt Yewîtîya Ewropa seba şopnayişê doze heyetêke bişirawo Enqera.
Bi no mexsed Serokê Delegasîyona Tirîya û Ewropa Nikolaûs Meyer Landrûtî rê nameyêke şirawite.
Di nameye de krîzê protokole ya Enqera amî bivîrvistiş û ame vatiş, Yewîtîya Ewropa nêşikena verva ney bêhiqûqî û otorîterîzmê tirkîya bêveng bimano.
