Rayverê Şarê Kurdî Abdûllah Ocalan 15’ê Sibata 1999’ine de bi komployêka mîyannetewî, teslîmê Tirkîya ame kerdene.
Bi na komploye mexsed, vetişê şerrêkê pîlî yê maberê şarê kurd û tirkî bi.
Rayver Apo verva nêy hewldanê qilêrinan kewt mîyanê têgêrayişî û vernîye ro şerrêkê gunîyinî girote.
Gama yewîne ya Rayver Apoyî vengdanê 2’ê Tebaxa 1999’ine bi.
Rayver Apo bi ney vengdanî waşt hêzê gêrîllayî xo Vakûr ra biancê.
PKK’yî 3 rocîy badê ney vengdanî eşkerayîyêke da û dîyar kerd ke do bi goreyê vengdanê Rayver Apoyî têbigeyrê.
Rayver Apo di heman çarçova de seba nîyetêkê başî waşt ke komêke gêrîlla û sîyasetmedarê kurdîy êy Ewropa seba aştîye Ewropa ra şêrê Tirkîya.
Vengdanê Rayver Apo sero 2 komêy aştîye şîy tirkîya la hetê dewleta tirke ra amey girotiş û desan seran cezaya zîndanî deya înan.
Xebatanê Rayver Apoyî yê seba çareserîya sîyasî û aştîye dewam kerd.
Seba ke rayire ro çareserîye abikero vurîyayişê mîyanê PKK’yî de ard rojdeme.
Di na çarçova de KADEK amî awankerdene û dime ra zî bî Kongra-Gel
Badê demêke Koma Komalanê Kurdistanî û tewir peynî de zî pergala KCK-“Koma Civatê Kurdistanî” ame ronayene.
Nameyê PKK, KADEK, Kongra Gel û KCK sero 5 dorîy deklerasîyonê çareserîye amey eşkerakerdene.
6 dorîy zî seba aştîye kampanîyayê pîlî amey organîzekerdene.
Rayver Apo di amnanê 2003’ine de gamêka bîne ya muhîme eşte û Nexşerayira Çareserîye ya 10 xalan ra pêk ameyê, hedre kerde.
La hikumatê AKP û Dewleta tireke, ver bi nîmeyê serra 2004’ine zilm û zordarîya xo zêdnabîy.
Dewleta tirke di cayo ke goş bido vengdananê çareserîye, perrêke de têgêrayîşê îşgalkerîye pêk ardê û perro bîn de zî ze ke PKK qedîayo têgêrayê.
Naye sero PKK’yî 1’ê Hezîrana 2004″ine de eşkera kerd ke êy derbasê “pawitişê rewa yê aktîfî” benê û adirbest bi peynî kerd.
Bi ney qerarî PKK’yî 1’ê Hezîrana 2004’ine de merheleyêka newîye da destpêkerdene.
Gêrîllayê PKK yî hemeyê welatî de kewtîy mîyan têgeyrayişî û derrbê giranîy ro artêşa tirke day.
Dewleta tirke û AKP ya ke bawer kerdbi PKK qedênayo û hêza rayvistinkerdî ya şarê kurdî vila kerda, bi na hemleye şok bîy.
Na hemleye tenê seba Vakûrî nê, seba Vaşûr, Rojava û Rojhelatî zî bî gamêka pîle ya berzkerdişê şoreşe.
1’ê Hezîrana 2004’ine seba Tekoşîna Azadîye ya Kurdistanî heme hetan ra bî hemleyêke tarîxî.