Gerîllayanê azadîye herêma Garê de verva artêşa tirk ya îşgalke xoverderîyeke bêhempa da û nêverday ke dişmên Garê de bica bibo.
Gerîllayanê ke Garê de destan nuşte ra yew zî, lacê Kanîreşî Emrah Ordu bi nameye naskerde Xeyrî Çewlîk o.
Ma portreya Xeyrî Çewlîkî nika anê ekrananê şima ser.
EMRAH ORDU – XEYRÎ ÇEWLÎK
DOMANÊ KANÎREŞE, GARÊ DE DESTAN NÛŞT
Kanîreş, qazaya Çewlig.
Bi wareyanê xo, bi çanda xo her kurdêke sero tesîrê xo verdena.
Kanîreş serra 1925’ine de Şêx Seîd rê wayiriyî kerda.
Kanîreş, a roze ra na heta verva îşgalkeran, seba Tekoşîna Azadiya Kurdistan de her waxt cayê muhîme girewta.
Bi seyan gencî Kanîreşe, verê xo day koyanê azad û verva îşgalkaran tifong girewtê destê xo û cengê azadiye dayî.
Ney gencan ra yew zî Emrah Ordu yo.
Lacê Sidika û Îbrahîmî…
Emrah Ordu Kanîreşa Çewlîge de ame dinya.
Xoverderîya Rayverîya Xoser ya Cizîre tesîreko pîle ro ser Emrahî kerd.
Lacê Kanîreşe Emrah ke hovîtîya dişmenî dîy, qerar da.
Serra 2017’ine de Stembole ra verê xo da koyanê azadan û tewrê refanê gerîlla bi.
Êdî Emrah Ordu nameye Xeyrî Çewlîk girewt.
Di meşa azadîye de, her roce xo newera afrina û îdeolojîya û felsefeya Rayvertîye de xo xorîn kerd.
Gerîllayeko emegdar bi, her tim hewl da xo perwerde bikero.
Xeyrî di wareye bi xoza reyde cuwîyayîşî de hewl da xo averbifîno.
Xeyrî Cewlîk cuwîyayîşî bi xozaye reyde wina ano ziwan:
Wexto ke merdim mîyanê sîstemî de cuwîyeno, merdim xozaye ra yeno dûrvistiş.Mîyanê sîstemî de Merdim nîmcet o. Wexto ke merdim yeno îtîya (koyanê azadan), merdim êdî temam beno.
Êdî merdim fahm keno ke, merdim zî perçeyeke xozaye yo.
Cuwîyeyê îtîyayî, cuwîyeyeko komînal o.
Xeyrî Çewlîk vano, mexsedê ma cuwîyayîşeke xozayî û bi xozaya xo reyde yewbîyayîşo û mînakêke wina dano.
Seba min, cayoke ke marî est bê de cuwîyayîş, xeyal bi. La nika marîy verê ma ra, derbas benê.
Nê ma mudaxeleye înan kenê û nê zî êy, mudaxeleye ma.
Xeyrî Çewlîkî mîyan rayhevalanê xo de, bi sadebîyîş û dilnizmîya xo ameynê naskerdiş.
Gerîlla Xeyrî xeylê cayanê herêma Garê de mend, emeg da û tekoşîn kerd.
Tewr peynî maberê 10 û 14’ê Sibate de xoverderîya Garê de ca girewt.
Qada Sîyanê de verva artêşa dewleta tirk ya îşgalker ke hewl da eskerê xo rono, şerr kerd.
Xeyrî bi rayhevalanê xo reyde derrbeyî giran ro artêşa îşgalkere da.
Bi rihe fedayî ya Apoyî dişmenî sero şi û bê ke tereddut bikero, faturayeke giran ro îşgalkeran birrna û artêşa îşgalkere bin kerd.
Lacê Kanîreşî Emrah Ordu bi nameye naskerde Xeyrî Çewlîk herêma Garê de bi 14 rayhevalanê xo ra pîya destan nuşt û tewrê karwanê şehîdan bi.
