23’yê Nîsane bi şewe artêşa dewlete tirke verva Heremanê Pawiteyan êy Medya dest bi êrîşê îşgalkerîye kerd.
Bi desan teyareyê şerrî û Helîkopteran reyna qereqolqanê sînorî ra bi top û obusan heremêy Metîna, Zap û Avaşîne day bombevaranî ver.
A roce ra na heta xeylê mentîqayanê nêy hereman de maberê gêrîllayanê azadîye û îşgalkeran de şerrêko giran est o.
Heta nika bi goreyê eşkerayîyanê HPG bi desan kişte û dirbetinêy artêşa dewleta tirke est ê.
Qada şerrî ra agahîyê zê “tay eskerîy vînî bîyê”, tay remayê yenê yenê hesnayene,
La dewleta tirke verva nêy raştîyan, raya pêroyî ya tirkîya bi zûran xapênena.
Bi goreyê agahîyanê fermîyan êy Wezareta Pawitişî heta nika 3 eskerîy ameyê kiştene.
DEWLETA TIRKE KIŞTE Û DIRBETINANÊ XO LÛMNENA
GEVERE DE NÊWEŞXANEYÊ DEWLETE RO SIVÎLAN AME PADAYENE
Raştîya agahîyêy ke bi eşkerayîyanê HPG êy roceyînan yenê barrekerdiş, destpêke rde Bamernê ra amey.
Fermandarêkê artêşa tirke verva nêrazîbîyişê şarê hereme nêy vatîbîy.
Min aciz mekerê, bi desan kişte û dirbetinê ma estê, ez nêşikena şima reyde nîqaşan bikera û persgirayê şima zî min eleqedar nêkenê.
Agahîyêka bîne zî ke şarê hereme ra amebî, artêşa dewleta tirke baregehê xo yê Vaşûrî de nêweşxaneyê seyyarî akerdê.
Tewir peynî agahîyêka bîne zî Vakûrê Kurdistanî ra amî.
Bado ke ame eşkerakerdiş kişte û dirbetinan benê nêweşxaneyê Gevere ya Colemêrge,
Her 20 deqayan ra dorêke helîkopterîy baxçeyê nêweşxaneyî de ronanê.
Bi goreyê agahîyanê şarê hereme 2 rocîy o nêweşxaneyê Gevere ro Sivîlan ameyo padayene.
Reyna yeno vatiş di ney nêweşxaneyî de zî ca nêmendo.
