Dewleta Tirk a dagirker li navçeya Mabata ya Kantona Efrînê 2 jin revandin.
Li gorî agahiyan, îstîxbarata Tirk 17’ê Cotmehê li gundê Birîmce yê navçeya Mabatayê 2 jin revandin.
Mizgîn (28) û Sozan (33) ên hatin revandin, nayê zanîn ku bi ku ve birine.
Heman rojê jineke ducanî Nemet Behcet Şêxo (32) piştî ku ji aliyê MÎT’ê ve hatibû revandin bi êşkenceyê hatibû qetilkirin.
Ji destpêka salê û vir ve bi sedan sivîl hatine revandin. Li Efrînê tenê du mehên dawî 25 jê jin zêdeyî 300 sivîl hatin revandin û herî kêm 6 sivîl hatin qetilkirin.
Rêxistina Mafên Mirovan a Efrînê ragihandibû ku dewleta Tirk di navbera 29’ê Tîrmehê û 23’ê Tebaxê de li Efrînê herî kêm 101 kes revandibû. Ji van 17 jê jin, 3 jê zarok bûn.
