Êrişêy îşgalkerîye ey dewleta tirke yê verva ca û wareyanê sîvîlanê Vaşûrê Kurdistanî dewam kenê.
Şewa 24’ê Gulane ya bi girêdaye 25’ê Gulane de, dewa Mîska ya qezaya Kanîmasî ya herêma Metîna amî bombevarankerdene.
Bi sebebê bombevaranî, xesar ro cayanê sîvîlan û daran bi.
Rojnamewan Kawa Tolhildan ke şi dewe, agahîy barre kerd û roketêy ke artêşa tirke pê êrîş kerdîy, nîşan da.
Rojnamewan Kawa Tolhildan ney agahîy barre kerd:
“Dewa Mîska, dewêka Asûrî ya. Êrîşo ke pêk ameyo zî, nêzdî na dewe ya. ”
ÊRIŞÊ VEVRA VAŞURÊ KURDISTANÎ
BI BOBBEVARANÊ ARTÊŞA TIRKE ZAXO DE 2 KESÎY DIRBETIN BÎ
Artêşa tirke ya îşgalkere qezaya Zaxo ya Duhoke de zî sîvîlan hedef girot û topvaran kerd.
Mexsedê dewlete bi hedefgirotişê sîvîlan, vengkerdişê dewan û mendekerdişê îşgalkerîye xo yo.
Bi goreye agahîyan, 2 sîvîlîy ke birayê yewbînan ê, bajaroka Derarê ya Zaxo de sewalanê xo çarnay û bîy hedefê artêşa îşgalkere.
Di encamê topvanaî de, her 2 birayan, Hesen Muhsîn û Elî Muhsîn dirbetin bîy.
Birayan hewanay nêweşxaneya Duhoke û rewşa înan ra yew zî giran a.