Senem Arin Cenîya Ciwana 24 sereya û Derîsmî de Atolyeya temburî akerda.
Senem vana Dersîme de perodayişê tembûrî çandîka.
Kokiman ra heta ciwanan her keye de end tay kesêk Tembur perodano.
Senem Arin Cenîyêka 24 sereya û Dersîm ra ya.. Senem westayê tembûrîya.
Senem Arine sera 2014’ine de Zanîngehê Semsurî de beşa Konservatuara Muzîkî wanena.
La Senem na beşe terk kena û Sera 2015’ine de beşa Viraştişê Temburan ya Konservatuara Zaningeha Ege de dest bi wendişî kena..
Çar serî zaningehe de na beşe wanena û semedê viraştişê Temburan verê xo dana Bajarê xo Dersîme.
Senem Dersîme de Atoyeyêka viraştişê Tembûran akena..
Senem zanena ku viraştişê tembûran bi zor û bi zehmeto.Senem Arîne viraştişê Tembûran û perodayişê Tembûran sero û una qisey kena:
Viraştişê Sazêk 2 Aşmî dewam keno. Gamak ez Estrumanî dana waharê yê,zereya min zî tede şina.
La wextoke ez bi keda xo Sazêk virazena ez keyfweş bena.Ez wazena şagirdî bêrê û viraştişê tembûrî minra bi musê.
Zanîngehe de Pola ma de 8 Mêrdey û 2 Cenîy bîy. Lazimo bi taybetî cenîy eleqe binawnê viraştişê temburan.
Senem Arîn danazanayişî ke viraştişê Tembûran tenî karê camîrdan nîyo û vana:
No kar tenî karê camîrdan nîyo. Ez wazena Cenîy zî eleqedarê nê karîy bibê. Kam bi wazo eşkeno viraştişê Tembûran bi muso..
Cenîy temele komele yê.Wextok min zaningehe de wendên,minra amey vatiş ke,Ti nêeşkena nê karî de bi dombê.
Camîrdî nêwazenê Cenîy heme karan bikerê. La nika Dersîme de şar kar û Westatîya min ecebneno. Semedê musnayişî viraştişê tembûran berê min herkesîrîy akerdeyo û ez hedreyê munnayişî ya..
Bajarê Dersîmî de hema hema her keyeyêk de kesêk tembûr perodano.
Kokiman ra heta ciwanan Dersîme de perodayişê Tembûrîy çandêka..
